Ermənistanın Xüsusi İstintaq Xidməti (XİX) Kollektiv Təhlükəsizlik Müqaviləsi Təşkilatının (KTMT) baş katibi Yuri Xaçaturova 2008-ci ildə konstitusiya quruluşunu devirməkdə ittiham irəli sürüb və həbs qətimkan tədbirinin seçilməsi üçün məhkəməyə müraciət edib. 

Xeberle.com-un TASS agentliyinə istinadən verdiyi xəbərə görə, bu barədə XİX-in məlumatında deyilir

Məlumatda bildirilir: "KTMT-nin baş katibi 2008-ci ildə prezident seçkilərindən sonra bir qrup insanla ölkədə konstitusiya quruluşunu devirməkdə ittiham edilir. Xüsusi İstintaq Xidməti Xaçaturova qarşı həbs qətimkan tədbiri seçilməsi üçün məhkəməyə müraciət edib”.
Xatırladaq ki, Y. Xaçaturov 2008-ci il martın 1-də Ermənistan Silahlı Qüvvələrinin İrəvan qarnizonuna komandanlıq edib. 2017-ci ildən KTMT-nin baş katibidir. 2008-ci il fevralın 19-da Ermənistanda prezident seçkilərindən sonra silsilə etiraz aksiyaları keçirildi. Aksiya iştirakçıları seçkilərin Serj Sarqsyanın qalib olduğu əsmi nəticələri ilə razılaşmırdılar. Küçə aksiyaları Ermənistanın birinci Prezidenti Levon Ter-Petrosyan tərəfindən təşkil edilmişdi. Mitinqçilərlə hüquq-mühafizə orqanları ilə toqquşmalarda 8 nümayişçi və 2 polis əməkdaşı həlak olub.