Roma Papası Fransisk Cənubi Koreya səfərindən qayıtdıqdan sonra maraqlı açıqlama ilə gündəmə gəlib.

Axar.az xəbər verir ki, Romaya qayıdarkən jurnalistlərin suallarını cavablandıran Papa Fransisk III Dünya Müharibəsinin artıq başladığını bildirib.

Onun sözlərinə görə, İraqda və Suriyada terrorçuların qətliamlar törətməsi, Ukraynada baş verən hadisələr, Qəzzada insan dramının yaşanması bütövlükdə dünya müharibəsidir: “Biz III Dünya Müharibəsini yaşayırıq. Amma parça-parça”.

İŞİD hücumlarının şiddətləndiyi İraqın şimalındakı Kürdüstan bölgəsinə Kardinal Fernando Filonini göndərən Papa “Kürdüstana getmək üçün hazıram. Amma bu, indiki vaxtda atılacaq düzgün addım olmaz”, - deyə bildirib.