Serj Sarkisyan öz partiyasında hərbi nizam-intizam yaratmaq istəyir. Hakim partiyanın son iclası kifayət qədər gurultulu keçib. Sakitliyi pozan partiyanın üzvü Vardan Ayvazyan olub. 

Onun replikasından sonra prezident iradını bildirməli olub. "İclas şuluqluq yeri deyil və burada toplaşanların hamısı partiyanın xəttini dəstəkləməlidir". Əsl keçmiş KPSS kimi. 

İclasda söhbət partiya birliyindən gedib ki, bu da Ayvazyanın xoşuna gəlməyib. O, çıxışında deyib ki, fikir ayrılıqları, proseslərə müxtəlif baxışlar əsl demokratiyadır. 

Partiyanın lideri və prezident Serj Sarkisyan onun sözünü kəsərək deyib ki, öz fikrini partiya fraksiyasının iclaslarında hər hansı məsələnin müzakirəsi zamanı demək lazımdır. Təşəbbüs ölkə parlamentinə çatanda isə partiya üzvləri birlik nümayiş etdirməlidi və vahid mövqe tutmalıdır. 

Həmçinin qeyd edilib ki, iqtisadiyyat üzrə parlament komissiyasının sədri Vardan Ayvazyan özünü əsl müxalifətçi kimi aparır. 

Ekspertlər deputatın belə qalmaqallı fəaliyyətini mitinq hisslərinin başlaması ilə əlaqələndirilər. Aksiyaların iştirakçıları prezidentin dərhal istefasını tələb edirlər. 

Qeyd edək ki, əcnəbi diaspor nümayəndələri də bu cür tələblərlə çıxış etməyə başlayıblar. 

Görünür, məhz buna görə Serj Sarkisyan partiya sıralarında ordu nizamnaməsi yaratmağa çalışır. 

Bu ona tənqidlərə davam gətirməyə və öz postunu saxlamağa kömək edəcək?

Xatırladaq ki, bir müddət öncə Sarkisyan bəyanatla çıxış edib və deyib ki, daha heç vaxt prezident postuna namizəd olmayacaq. 

Politoloqlar onun bu çıxışını ictimaiyyətə bir müraciət kimi də qəbul ediblər - Mənə öz vaxtımı bitirməyə imkan verin və mən bir də dövlət başçısı postuna iddialı olmayacam.(ans)