Prezident Petr Poroşenko iddia edir ki, onun oğlu Ukraynanın şərqində münaqişə zonasında artilleriya qoşunlarında xidmət edir. 

“Qafqazinfo” Ukrayna KİV-nə istinadən xəbər verir ki, Poroşenko oğlunun xidmət etdiyi bölmənin hərbi əməliyyatlarda iştirak edərək itkilər verdiyini bildirib: “Biz ukraynalılar təhlükəni qarşılamağa və döyüşməyə hazırıq. Bu sadəcə söz deyil. Mənim oğlum da ordadır. O, könüllü olaraq gedib. Oğlum Londonun iqtisadiyyat məktəbini, Oksfordu başa vurub və könüllü olaraq orduya gedib. Hazırda artilleriya bölməsindədir. Onun bölməsindən dörd nəfər son üç həftədə yaralanıb”. 

Qeyd edək ki, Petr Poroşenkonun Aleksey (1985) və Mixail (2001) adlı iki oğlu var.