Torpaq iddialarında islah olunmayan Ermənistan elə bir ölkəyə qarşı da belə iddialar irəli sürür ki, prinsipcə, həmin ölkə ilə ən yaxşı əlaqələr qura bilərdi. Söhbət qonşu və inanc ortağı Gürcüstandan gedir. Erməni təbliğatçıları iddia edirlər ki, gürcü mədəniyyəti və ümumilikdə ərazilər əslində Ermənistanındır. 
Misal üçün, bu yaxınlarda gürcülər növbəti dəfə şəhər günü olar "Tbilisoba” bayramını qeyd ediblər. Ermənilər qonşuluqda belə bir bayramı görərkən qəmləniblər. Nədənsə onlarda belə bir fikir formalaşıb ki, Tbilisi erməni inşaatçıları və memarları tərəfindən tikilən şəhərdir. Erməni KİV-də belə yazılır: "Bu yaxınlara qədər, cəmi iki-üç nəsil əvvəlki ermənilər şəhərin tikintisi və bəzənməsi ilə məşğul idilər, Tbilisini tikirdilər. Ermənilər tək şəhəri tikmirdilər, həm də onu idarə edirdilər”. 
Milli.Az Day.az saytına istinadən bildirir ki, Tbilisinin ermənilər tərəfindən idarə olunmasını isbat etmək üçün 40 nəfər erməni mer haqqında nağıllar danışırlar. Guya həmin "merlər” şəhər haqqında tarixi mənbələrdə rast gəlinən ilk məlumatlardan (XII əsr) ilk Gürcüstan Respublikasının qurulmasınadək (1918-ci il) Tbilisini idarə ediblər. 
Həmin 40 nəfər erməni mer "Tbilisini tikib, inkişaf etdirib, bəzəyib, şəhəri həyat üçün daha cazibədar və rahat edib". İndi isə ermənilər səmimi qəlbdən kədərlənirlər ki, Tbilisidə həmin erməni merlər haqqında danışmaq gülünc və marginaldır. Şəhər şurası olan Sakrebuloda bir nəfər də olsun erməni yoxdur. 
Bax belə bir "qədim erməni kədəri” var. "Məşəqqətlər çəkmiş” xalqın nümayəndələrini bir zamanlar erməni rəhbərlər (hətta onlar Tbilisini gürcü knyazları və müsəlman əmirlərindən də əvvəl idarə ediblər guya) tərəfindən  idarə olunan şəhərin indi erməni identikliyindən məhrum olması məyus edir. Bunun üzərinə gürcü kilsələrinə və tarixi abidələrinə erməni ekspansionist nostalgiyalarını da gəlsək, belə çıxır ki, gürcü torpaqlarında insan əli ilə yaradılmış hər şey ermənilər tərəfindən edilib. Gürcüstanın özü ilə bağlı vəziyyət daha da pisdir: Tbilisi də, digər şəhərlər və vilayətlər də, əlbəttə ki, Samtsxe-Cavaxetiya da "qədim erməni torpaqlarıdır”. 

Cavaxetiya bölməsindən olan erməni separatçıları, inadkarcasına bu bölgəni "Cavaxk” adlandıran ermənilər də tez-tez özlərini yada salırlar. 

Qeyd etmək lazımdır ki, bu yaxınlarda Gürcüstanın hüquq-mühafizə orqanları ermənilərin çoxluq təşkil etdiyi bu regionlarda çoxlu sayda qeyri-qanuni saxlanılan döyüş sursatları aşkarlayıblar. Gürcüstan DİN-in məlumatında deyilirdi ki, 128 ədəd tank mərmisi, 3969 ədəd tank əleyhinə detonator, 15 min ədəd yay formasında partlayıcı aşkarlanıb. Sözsüz ki, cinayət işi də açılıb. Baxmayaraq ki, qeyri-qanuni saxlanılan arsenalın sahiblərinin adı açıqlanmayıb, ekspertlər istisna etmirlər ki, cinayətin izləri Samtsxe-Cavaxetiyada fəaliyyət göstərən erməni separatçı qruplaşmalarına gedib çıxır. 
Erməni separatçı lideri Vaaqn Çaxalyanın gurultulu fəaliyyəti davam edir. O, 2009-cu ildə dövlət əleyhinə fəaliyyətlərinə görə həbs olunmuşdu. Ancaq 2013-cü ildə Gürcüstanın yeni hökuməti tərəfindən azadlığa buraxılıb. Erməni ekstremist faktiki olaraq Ermənistandan keçməyən Bakı-Tbilisi-Qars dəmir yolu layihəsi ilə bağlı rəsmi Tbilisiyə hədə-qorxu gəlmişdi. Gürcüstanın Azərbaycanın mövqeləri ilə razılaşması və Ermənistanın həmin layihəyə qoşulmamasına görə Çaxalyan etirazını bildirirdi. O iddia edirdi ki, "ermənilər hazırkı hakimiyyətə səs veriblər və imkan verməzlər ki, Azərbaycan hakimiyyəti onların əvəzinə qərar qəbul eləsin”. 
Çaxalyanın çıxışlarında abırsızlıq və xırdaçılıq özünü aydın büruzə edir. Erməni siyasətçilər bu cür üsullarla Gürcüstan rəhbərliyinə qarşı ilk dəfə deyil ki, çıxış edirlər. 
Maraqlıdır, görəsən, hazırkı "Gürcü arzusu” hakimiyyəti "cavaxk” separatçılarının liderini belə tələsik bir şəkildə azadlığa buraxdıqlarına görə peşman deyillər? 
Bu arada, çaxalyanlara və onların Ermənistanı izolyasiyadan qurtarmaq üçün yollar axtaran Yerevandakı ağalarına artıq çoxdan məlum olmalı idi ki,  Cənubi Qafqazda lider olan və bütün nəhəng enerji və nəqliyyat layihələrinin əsas hissəsi olan Azərbaycan heç vaxt torpaqlarını işğal etmiş ölkəni öz layihələrinə yaxın buraxmaz. Avropa ilə Asiyanı birləşdirən Bakı-Tbilisi-Qars layihəsi isə əsasən, Azərbaycanın vəsaitləri hesabına reallaşır. Bu səbəbdən də erməni işğalçlarının və separatçılarının mənasız hədələri nə ölkəmizi, nə də müttəfiqlərimizi, indiki halda isə Gürcüstanı qorxuda bilməz. 
Gürcüstan hakimiyyəti istənilən separatizm, xüsusilə də erməni separatizmi təhdidlərinin qarşısını almaq üçün ikinci vətəndaşlığı olan insanların sənədlərini yoxlamağa başladı (Gürcüstan qanunvericiliyinə əsasən, ikinci vətəndaşlığı olan şəxslər avtomatik olaraq Gürcüstan vətəndaşlığından çıxarılırlar). Bu məsələ bir çox Gürcüstan ermənilərini narahat etməyə başladı. Samtsxe-Cavaxetiya sakinlərinin sənədlərinin qeydə alınması rəsmi Yerevanı da müəyyən addımlara vadar etdi. Etnik ermənilər üçün Ermənistan vətəndaşlığını almaq sadələşdirildi.  Bundan da ilk növbədə Gürcüstandakı separatçı meylli ermənilər istifadə etməyə başladılar. 
İndi isə onların vəziyyətləri çətinləşir. Ölkənin Avropa Birliyinə Assosiativ üzv qəbul edilməsi ilə əlaqədar, ölkə parlamentində bəzi ölkələrlə, o cümlədən Ermənistan ilə viza rejiminin tətbiq edilməsi barədə qərar qəbul olunub ki, miqrant axını nizamlansın. 
Gürcüstanın Cavaxetiya vilayətində ermənilərin hüquqi statusları ilə bağlı vəziyyət rəsmi Yerevanı narahat etməyə başladı. Ermənistanda həmin regionu açıq-aşkar şəkildə öz "qədim ölkələrinin” "tarixi əraziləri” adlandırırlar. 
Bu yaxınlarda həmin məsələlər Ermənistan parlamentinin spikeri Qalust Saakyanın Gürcüstana səfəri zamanı da müzakirə olunub. Gürcüstan prezidenti Georgi Marqvelaşvili ilə söhbət zamanı xahiş edib ki, digər ölkələrin də vətəndaşlığını almış və Gürcüstan ərazisində yaşayan ermənilərin hüquqlarının təmin edilməsi üçün prosedur yüngülləşdirilsin. Hələ də məlum deyil ki, həm Cavaxetiyada erməni separatizminin qarşısını almaq, həm də qonşu Ermənistanla münasibətlərin pisləşməməsini təmin etmək üçün Gürcüstan hakimiyyəti hansı addımlar atacaq. 
Erməniliyin Cavaxetiyaya hansı gələcəyi təmin edəcəyini bilmək üçün Gürcüstandakı erməni apostol kilsəsinin gənclər bölməsinin nümayəndələrinin Dağlıq Qarabağa səfərinə nəzər salmaq gərəkdir. Səfərin məqsədi kimi isə Gürcüstanda yaşayan eməniləri qədim erməni tarixi abidələri ilə tanış etmək göstərilirdi. Səfərin nəticəsi olaraq bəyan edildi ki, Gürcüstandan olan gənclər Qarabağın "xalqının qəhrəmanlıq nümunələrindən ruhlandılar”. Diqqət çəkən digər məqam isə odur ki, səfər Ermənistan Respublikasının İdman və Gənclər Nazirliyi tərəfindən təşkil edilib. 
Bütün bunlar gürcü siyasətçilərin düşünmələri üçün yaxşı faktlardır. Azərbaycan torpaqlarının işğal təcrübəsini gürcüstanlı erməni gənclərə öyrətməklə rəsmi Yerevan nəyə nail olmaq istəyir?