Son illərdə Rusiya ilə Qərb dövlətləri arasında münasibətlər son dərəcə kəskinləşib. Ukraynadakı separatçıları dəstəklədiyinə görə Avropa və Amerika Rusiyaya qarşı müxtəlif sanksiya paketləri tətbiq ediblər. Bu sanksiyalar iqtisadi, hərbi sahələrlə yanaşı, ayrı-ayrı rusiyalı məmurların Qərbdəki bank hesablarının dondurulması və onların həmin ölkələrə girişinin qadağan olunmasını da nəzərdə tutur. 

Krımın ilhaqından sonra rus cəmiyyətində qabaran vətənpərvərlik fonunda rusiyalı hakim siyasi elita bu sanksiyaları əhəmiyyətsiz hesab edir və Rusiyada yaşamağı, təhsil almağı, istirahət etməyi və müalicə almağı hər şeydən üstün tutur.

Ancaq Ayzen Tayço niki daşıyan rusiyalı blogger Rusiya hakim elitasının ailə üzvlərinin yaşadığı, təhsil aldığı ölkələri nəzərdə keçirib və Putin komandasının reallıqda əksinə hərəkət etdiyini göstərib. Modern.az saytı Rusiya hakim elitasının övladları haqda bu maraqlı bilgiləri təqdim edir

Prezident Vladimir Putinin qızları

Rusiya prezidenti Vladimir Putinin ailəsi barədə informasiyalar mətbuatdan gizli saxlanılsa da, prezident qızlarının həyatı ilə bağlı məlumatlar ara-sıra mətbuata sızır. Belə ki, 90-cı illərin əvvəllərində Leninqrad meriyasında çalışan Vladimir Putinin öz qızları Yekaterina və Mariyanı ən nüfuzlu alman gimnaziyalarından olan "Peterschule”də  oxumağa göndərdiyi məlumdur. 90-cı illərin əvvəllərində onlar təhsillərini bitirib Moskvaya geri dönüblər və 1996-cı ildə Moskvaya köçürlər. Lakin burada da onlar alman təhsil sistemi ilə fəaliyyət gösətərən "Moskvanın alman məktəbi”də təhsil alırlar. 2000-ci illərin əvvəllərində hər iki prezident qızı Sankt-Peterburq Universitetinə daxil olsalar da ,onları həmin universitetdə bir dəfə olsun görən olmayıb.

Məlumatlara görə, Putinin kiçik qızı Yekaterina daimi olaraq əsasın Almaniyanın Münhen şəhərində yaşayır. 2013-cü ildə Yekaterina Mərakeşdəki mehmanxanaların birində koreyalı Yun Cun Vonla toy edib.

Prezidentin böyük qızı Mariyanın isə Holandiyanın Vorsxooten şəhərində yaşadığı bildirilir. O, tək deyil, sevgilisi 33 yaşlı holand Yorrit Faassenlə yaşayır. Onlar şəhərin Krimwijk Heet rayonudakı penthausda yaşayırlar.

Baş nazir Dmitri Medvedevin oğlu

Dmitri Medvedev Rusiya Müdafiə Nazirliyindəki rüşvət qalmaqalı ilə bağlı adı keçən və hazırda ev dustağı olan Yekaterina Vasilyevanın dayısı qızı Svetlana Linniklə evlidir.

Yekaterina Vasilyeva Sankt-Peterburqun kriminal avtoritetlərindən biri olan Vasilyevin qızıdır. 2012-ci ilin yanvarında o zamanlar Rusiya prezidenti olan Medvedev Vasilyevi "Şərəf” ordeni ilə təltif etmişdi. 
Baş nazir D.Medvedevin yeganə övladı İlya adlı oğludur. Hazırda İlya Rusiyada təhsil alsa da, müsahibəlində təhsilini ABŞ-ın Massaçusets Universitetində davam etdirmək istədiyini bildirib.

Xarici işlər naziri Sergey Lavrovun qızı

Rusiyanın 1 nömrəli diplomatının yeganı qızı Yekaterina hazırda ABŞ-da təhsil alır. Nyu-Yorkdakı Kolumbiya Universitetini bitirmək üzrə olan nazir qızı ABŞ-da həmişəlik yaşamaq niyyətindədir.

Dövlət Dumasının vitse-spikeri Sergey Jeleznyakın qızları

Rusiya Federasiyası Dövlət Dumasının vitse-spikeri Jeleznyakın hər 3 qızı xaricdə təhsil alır. Böyük qızı Yekaterina İsveçrədəki elit məktəblərdən birində təhsil alır. Ortancıl qızı Anastasiya isə London Universitetində təhsil alır. Ailənin kiçik övladı Yelizaveta Jeleznyakın da hazırda Londonda yaşadığı məlumdur. Maraqlıdır ki, Rusiya Seçki Komissiyasına təqdim etdiyi gəlir bəyannaməsində Sergey Jeleznyak ildə 3,5 milyon rubl gəlir əldə etdiyini göstərsə də, qızlarının Avropadakı təhsilinə ildə 11 milyon rubl pul ödəyir.

Dövlət Dumasının vitse-spikeri Aleksandr Jukov oğlu

Aleksandr Jukovun oğlu Pyotr Jukov da Qərbdə təhsil alır. Britaniya paytaxtı Londondakı elit məktəblərdən birində təhsil alan Jukov içkili halda iştirak etdiyi küçə davasına görə 14 ay müddətinə həbs olunub.

Dövlət Dumasının vitse-spikeri Sergey Andenkonun qızı

Vitse-spikerin qızı hazırda Almaniyada oxuyur və yaşayır.

Baş nazirin 1-ci müavini Dmitri Kozakın oğlanları

Dmitri Kozakın böyük oğlu Aleksey azı 6 ildir ki, xaricdə yaşayır və tikinti biznesi ilə məşğuldur. O, "Red2”, "Makbrayt”, və Yuna” kimi xarici firmaların həmtəsisçilərindən biridir. Bundan başqa, o, Rusiyanın dövlət bankı olan VTB-də çalışır.

Dmitri Kozakın kiçik oğlu Aleksey isə İsveçrənin "Credit Suisse” bankında çalışır. Bu il həmin bankı yüksək vəzifəli məmurların çirkli pulların yuyulmasında itiham edən ABŞ və Almaniya faktla bağlı araşdırma aparır.

"Vahid Rusiya” fraksiyasından deputat Aleksey Remezkovın övladları

Duma deputatının böyük oğlu Stepan ABŞ-ın Pensilvaniya ştatındakı Velli Forc kollecini bitirib. O, kollecdə hərbi təhsil alıb. Bundan sonra isə o, Nyu-York ştatındakı Hofstra özəl universitetinə daxil olub. 
Remezkovun ortancıl oğlu Nikolay 2008-ci ildən Britaniyanın Malvern kollecinin özəl məktəbində təhsil alır. 
Deputatın kiçik övladı – qızı Mariya Remezkova isə Avstriyanın Vyana şəhərində gimnasitika ilə məşğul olur və uşaqlardan ibarət Avstriya yığmasını beynəlxalq yarışlarda təmil edir.

Deputat Vyaçeslav Fetisovun qızı

Onun qızı Anastasiya ABŞ-da yaşayır və təhsil alır. Deputat qızı rus dilində oxuyub-yazmağı bacarmır.

"Rusiya Dəmir Yolları” ASC-nin rəhbəri Vladimir Yakuninin övladları

Rusiyanın baş "dəmiryoluçu”sunun övladıları da Avropada yaşayırlar. Onun böyük oğlu Andrey uzun illər Londonda yaşayıb və hazırda Rusiyada Britaniya şirkətlərindən birinin investorudur. O, 2009-cu ildən "Venture Investments & Yield Management” şirkətinin həmtəsisçisi və rəhbəridir. Moskvadakı "Marriott Courtyard” mehmanxanası da ona məxsusdur. 
Vladimir Yakunin digər oğlu Viktor isə İsveçrədə yaşayır və elit əmlak sahibidir. Rusiyalı məmurun nəvələri də İsveçrə və Londonun elit təhsil müəssisələrində təhsil alırlar.

Rusiyanın uşaq hüquqları komitəsinin rəhəri Pavel Astaxovun oğlanları

Astaxovun böyük oğlu Anton Astaxov Oksford və Nyu-York İqtisadiyyat məktəblərində təhsil alıb. Onun kiçik oğlu isə Frnansanın Kan şəhərində andan olub və anası ilə orada icarəyə götürülən villada yaşayır.

"Ədalətli Rusiya” fraksiyasından deputat Yelena Mizulinaın oğlu

Rusiya parlamentində pravoslav ənələrinin coşqun müdafiəçisi olan Mizulinanın oğlu Nikolay öncə Oksfordda təhsil alıb. Diplom aldıqdan sonra isə daimi yaşayış üçün Belçikaya köçüb. Hazırda deputat oğlu Mayer Brown hüquq firmasında işləyir.

"Vahid Rusiya” partiyasından olan deputat Nikloay Valuyevin ailəsi

Keçmiş boksçu Valuyevin ailəsi İspaniyadakı və Almaniyadakı mülklərində yaşayır.

Rusiya Təhlükəsizlik Şurasının üzvü Boris Qrızlov un qızı

Rusiya Dövlət Dumasının eks-spikeri, hakim "Vahid Rusiya” partiyasaının yaradıcılarıdan olan Boris Qrızlovun qızı Yevgeniya hazırda Tallində yaşayır. Hətta, yaxınlarda onun qızı Estoniya vətəndaşlığı da alıb.

Keçmiş təhsil naziri Andrey Fursenkoun övladları

Andrey Fursenko Rusiya təhsilinin uğurlarından danışsa da, uzun illər övladlarının xaricdə təhsil aldığını ictimaiyyətdən gizlədirdi. Sabiq nazirin oğlu Aleksandr Fursenko hazırda təhsil aldığı ABŞ-da yaşayır.

Rusiya Kommunist Partiyasından Duma deputatı Aleksandr Vorontsovun qızı

Aleksandr Vorontsovun qızı Anna İtaliyada yaşayır. Bura o, təhsil aldığı Almaniyadan köçüb. Hazırda kommunist deputatın qızı illik haqqı bir neçə min avro olan Milan Universitetində təhsil alır.

"Vahid Rusiya” partiyasından deputat Yelena Rahovaın qızı

Rahovanın qızı da xaricdə, daha doğrusu ABŞ-da yaşayır. Polina Rahova Sankt-Peterburq Universitetini bitirdikdən sonra Nyu-Yorka gedib.

"Siyasət” fondunun prezidenti Vladimir Nikonovun (Molotovun nəvəsi) oğlu

Vladimir Nikonovun oğlu Aleksey ABŞ-da təhsil alır. 



 Vüqar İsmayılov