Dünyanın ən hündür göydələni tituluna sahib olmaq arzusu ilə inşasına başlanılan və sona çatdırıla bilməyən hündürmərtəbəli tikililər
Göydələnin inşa edilməsi uzunmüddətli və zəhmət tələb edən bir işdir. Dünyanın ən hündür göydələni tituluna sahib olmaq arzusu ilə inşasına başlanılan və sona çatdırıla bilməyən hündürmərtəbəli tikililər də vardır ki, İnterAz onları təqdim edir.
1. Nakheel Tower - Dubay, BƏƏ
Bu əsrarəngiz bina 2008-ci ildə baş verən dünya iqtisadi böhranının "qurbanı olub" və tikintisi başa çatdırılmayıb.
2. India Tower - Mumbay, Hindistan
Bu göydələnin 2010-cu ildə hazır olması planlaşdırılırdı. Ancaq inşaatı 2011-ci ildə başlayıb və hələ də davam etməkdədir.
3. Russia Tower - Moskva, Rusiya
Bu göyələn də 2008-ci ildə baş verən iqtisadi böhran "qurban"larından biridir. 3 milyard dollar vəsait tapılmadığı üçün inşası yarımçıq dayandırılıb. Tikinti sahəsi isə park edilib.
4. Doha Convention Center Tower - Doha, Qətər
Bu göydələn isə planlama zamanı edilən səhvin "qurbanı" oldu. Belə ki, göydələn həddindən çox hündür planlaşdırılmışdı və yaxınlıqda yerləşən hava limanı üçün təhlükə yarada biləcəyindən proyekt təxirə salındı.
5. Burj Al Alam - Dubay, BƏƏ
2008-ci ilin "qurbanları" siyahısındadır. Çiçək şəklindəki göydələnin inşası 2013-cü ildə təxirə salınıb.
6. Palace of the Soviets - Moskva, Rusiya
Bu layihə aristokratik Rusiyanın tam əksinə planlaşdırlmışdı. İnşasına başlanılsa da II Dünya müharibəsinin başlaması tikintini təxirə saldı. Tikinti sahəsi hal-hazırda Moskvanın görməli yerlərindən biri kimi fəlaiyyət göstərir.(interaztv,com)
Xəbərdən istifadə edərkən istinad etmək vacibdir.
