Koronavirus pandemiyası fonunda hökumətlər tərəfindən qoyulan bəzi məhdudiyyətlərin, o cümlədən, turistləri karantinə yerləşdirməyin heç bir faydası yoxdur.
Bunu CNBC-yə müsahibəsində Beynəlxalq Hava Nəqliyyatı Assosiasiyasının (İATA) rəhbəri Aleksandr de Junyak bildirib.
"Biz hökumətləri xaricdən gələn vətəndaşların iki həftə təcrid olunması ilə bağlı karantin tədbirlərini tətbiq etməməyə çağırırıq”, - deyə o bildirib.
Təşkilat rəhbəri hesab edir ki, aviaşirkətlər və hava limanları tərəfindən temperaturun ölçülməsi, fərdi mühafizə vasitələrinin istifadəsinə nəzarət, təyyarə salonlarının keyfiyyətli təmizlənməsi və dezinfeksiya edilməsi, baqajın yüklənməsinə məhdudiyyətlər kimi həyata keçirilən sanitariya prosedurları infeksiyanın yayılmasının qarşısını almaq üçün kifayətdir.
Xatırladaq ki, bundan əvvəl Ümumdünya Səhiyyə Təşkilatından dezinfeksiyaedici vasitələrin qapalı yerlərdə püskürdülməsinin COVID-19 pandemiyası dövründə faydasız olduğu bildirilmişdi.
Xəbərdən istifadə edərkən istinad etmək vacibdir.
