ABŞ-ın və dünyanın ən zəngin iş adamlarından biri, neft maqnatı Harold Hemm arvadını itirsə də, dünyanın ən bahalı boşanmasını gerçəkləşdirmiş adam kimi tarixə düşəcək.
Oklahoma ştatının məhkəməsinin qərarı ilə multimilyarder ondan boşanan arvadı
Syu Enn Arnalla 995,5 milyon dollar məbləğində təzminat ödəməlidir.
"Continental Resources" neft-qaz korporasiyasının banisi və sahibi, dünyanın ən varlı adamlarından birinin arvadına ödəməli olduğu 995,5 milyon dolların 1/3 hissəsi ötən ilin sonunadək Syu Enn Arnalla çatmalıydı. Hemm yerdə qalan məbləği ayda ən azı 7 milyon dollar olmaqla ödəməlidir.
Hemmin məbləği vaxtında ödəyəcəyinə əmin olmaq üçün məhkəmə "Continental Resources" korporasiyasının 200 milyon dollarlıq səhmlərini girov götürüb.
İxtisasca hüquqşünas və iqtisadçı olan Syu Enn Ernall ötənlərdə "Continental Resources"un rəhbərlərindən biri idi.
2012-ci ildə Harold Hemmin ona xəyanət etdiyini aşkarlayan Syu Enn Arnall o vaxtdan bəri təzminat qismində 25 milyon dollar alıb.
Dünən Harold Hemmin vəkilləri apellyasiya iddiası qaldırıblar və təzminatın məbləğini azaltmağa çalışıblar.
Lakin Syu Enn Arnall ərinin ona ünvanladığı $ 974800000 dollarlıq bank çekindən imtina edib.
O, vəkillərinə yeni prosesə başlamağı tapşırıb.
Xəyanətə məruz qalan və boşanan Syu Enn Arnall indi ərindən təzminat qismində 18 milyard dollar tələb edir.
Boşanma prosesi əsnasında Syu Enn ərindən Kaliforniyada yerləşən 14,7 milyon dollarlıq rançonu, habelə Oklahomada olan 4,6 milyon və 800 min dollarlıq iki villanı alıb. (milli.az)
Xəbərdən istifadə edərkən istinad etmək vacibdir.
