Cənubi Koreyanın "Samsunq” şirkəti Kanadanın "Bləkberri” şirkətini 7.5 milyard dollara almaq niyyətindədir.
Bu barədə "Röyter” agentliyi mənbəyə istinadən məlumat verib.
Mənbənin sözlərinə görə, artıq "Samsunq” qarşı tərəfə təklifini bildirib və hətta ötən həftə tərəflər arasında bununla bağlı danışıqlar da aparılıb.
"Bləkberri”nin mətbuat xidmətindən isə məlumatın yalan olduğu bildirilib:
"Şirkət "Samsunq”la heç bir danışıq aparmır. "Bləkberri” söz-söhbətlər və spekulyasiyalarla bağlı açıqlama vermək niyyətində də deyil”.
Qeyd edək ki, şirkətin satılacağı ilə bağlı xəbərlər ortaya çıxandan dərhal sonra "Bləkberri”nin hissələri birjada 30 faiz artmışdı. (axar.az)
Xəbərdən istifadə edərkən istinad etmək vacibdir.
