Almaniyanın dünyaca məşhur "Mersedes-Benz” avtomobil şirkəti ağlasığmaz yeniliyə imza atıb.
Alman mühəndislərin gərgin əməyi sayəsində şirkət sürücüyə ehtiyac duymadan hərəkət edə bilən avtomobil hazırlayıb.
Texnologiyada tərəqqinin son həddi kimi təqdim olunan "Mersedes F 015” modelinin digər nəqliyyat vasitələri, yol xətti və piyadalarla informasiya mübadiləsinə girəcəyi açıqlanıb.
Modelin salona quraşdırılan 6 monitor vasitəsilə idarə olunacağı səslərə və jestlərə ani şəkildə reaksiya verəcəyi bildirilib. Bundan əlavə F 015-in avtomobildəki lazer proyektorların sayəsində qarşıdakı maneələri müəyyənləşdirəcəyi qeyd olunub.
Avtomobil tam enerji ehtiyatı ilə 1100 km məsafə qət edəcək və maksimal sürət saatda 200 km olacaq. (axar.az)
Xəbərdən istifadə edərkən istinad etmək vacibdir.
