"İslam dini mənə güc və qüvvə verir, dua etmək isə ruhumu dincəldir"
Söhbət "Nürnberg" FC klubunun 24 yaşlı oyunçusu Danny Blumdan gedir. Xəbər haqda Almaniyanın məşhur internet qəzeti məlumat yayıb.Danny Blum müsahibəsi zamanı İslam dinini qəbul etdiyini və müsəlman olması ilə bağlı bu fikirləri bölüşüb: "İslam dini mənə güc və qüvvə verir, dua etmək isə ruhumu dincəldir".Mannheim şəhərinə aid Frankenthaler qəsəbəsində anadan olan yarımmüdafiəçi İslam dinini qəbul etməsini belə izah edib:
"Əvvəllər futboldan başqa olduqca əyləncəli və bir o qədər də mənasız bir həyat tərzim var idi. Zaman keçdikcə yaşadığım bu həyatın hər şey olmadığını düşünməyə başladım. Bunun ardınca dostlarımla dini müzakirələr aparır, həm kitablardan, həm də internetdən din ilə bağlı araşdırma aparırdım. Bu araşdırmalar əsnasında İslam dini mənə çox maraqlı gəldi. Araşdırdıqca da, öyrəndiklərim məni bu yola, yəni İslama yaxınlaşdırdı və beləcə müsəlman olmağa qərar verdim. Artıq həyata hər şeyə pozitiv baxıram".
Almaniyalı oyunçunun halal qidalar yeməsini və içkidən uzaq olmasını yazan Almaniya qəzeti Danny Blumun ibadət etmək istəyərkən, xüsusilə, kimsəyə narahatlıq olmaması üçün bu məsələyə çox diqqətlə yanaşdığını bildirib. Komandada isə ona qarşı oyunçuların çox tolerant olduğunu bildirən Danny Blum "İslam sülh dinidir. Dinim heç kimi etmək istəmədiyi hər hansı bir şey üçün təkid etmir. İslam dinini seçməyimə heç kim pis reaksiya vermədi, hətta olsa belə bu məni yolumdan döndərə bilməz. Hər kəsin öz inancı var" - deyib.
Danny Blum xristian dininə etiqad edən ailəsinə müsəlman olduğunu ilk dəfə açıqladığında ailəsinin çox təəccübləndiyini, ardınca isə "inancını istədiyin kimi yaşaya bilərsən" - dediklərini açıqlayıb.
Qəzet Blumun məsciddə ibadət edərkən çəkdiyi fotoları da paylaşıb.













(interaztv.com)