Rusiya prezidenti Vladimir Putin Misirdə rəsmi səfərdədir.

Putin 10 il aradan sonra Misirə rəsmi səfərə yollanıb.

Misir prezidenti Abdülfettah əl-Sisi Rusiya liderinin gəlişi ilə əlaqədar böyük hazırlıq işləri görüb, onu bir növ fironlar kimi qarşılamağa çalışıb. Prezident əl-Sisi rusiyalı həmkarını hava limanında qarşılayıb.

Rusiya və Misir mətbuatında yer alan xəbərlərdə Putinin səfər zamanı Suriya, Liviya hadisələri, Fələstin-İsrail problemi, terrorla mübarizə, təbii qaz, nüvə əməkdaşlığı və hərbi məsələləri müzakirə edəcəyi bildirilir. Səfərin iki gün davam edəcəyi gözlənilir.

Səfər zamanı diqqətçəkən məqamlardan biri Putinin Misir prezidentinə "AK-47 Kalaşnikov” markalı silah hədiyyə etməsi olub.

Qeyd edək ki, Misirdə "Müsəlman qardaşları”nın devirilməsi ilə hakimiyyətə gələn Abdülfettah əl-Sisi 2014-cü ildə Rusiyaya səfər etmişdi. Səfər zamanı Rusiya ilə bu ölkədən 3 milyard dollarlıq silah alınmasına dair razılıq əldə edilmişdi. (virtualaz.org)