Parisdə dünya kinosu ilə birbaşa əlaqəsi olan səs-küylü oğurluq hadisəsi baş verib. Məlumata görə, Fransa paytaxtında yerləşən Çaplin Assosiasiyasından məşhur aktyorun ilk "Oskar"ı naməlum şəxs tərəfindən oğurlanıb. Mütəxəssislər oğurlanan mükafatın dəyərini 1 milyon dollar məbləğində qiymətləndirirlər. "Oskar"dan başqa, oğrular hər birinin dəyəri 90 min dollar təşkil edən qələm də götürüblər. Müstəntiqlər hesab edirlər ki, cinayətkarlar yaxşı məlumatlı olubar , cünki ofisdən başqa heç nə itməyib.
Dünya kinosu tarixinə Çarli Çaplin kimi düşən Çarlz Spenser Çaplin, uzun karyerası ərzində üç dəfə "Oskar" mkafatına layiq görülüb: 1929-cu və 1972-ci illərdə incəsənətə verdiyi töhfələrə görə, 1973-ci ildə isə "Böyük şəhərin işıqları " filminə görə, ən yaxşı film musiqisi nominasiyasında təqdim olunur. Maraqlıdır ki, sonuncu mükafat Çaplinə filmin ekranlara çıxmasından 20 il sonra verilib. Bu da özünəməxsus bir Hollivud rekordudur. London sakini, Çarli Çaplin Hollivudda inanılmaz uğura nail olub, amma 1950-cı illərdə kommunistlərlə əlaqədə ittihamlar edilərək, əhatəli təqib kampaniyası nəticəsində ABŞ-ı tərk etməyə məcbur olur. Yalnız 1970-cı illərdə Çaplin ABŞ-a yenidən səfər edə bilib, amma bu ölkədə daimi yaşamaq hüququ ondan birdəfəlik alınmışdı.
Çaplin son illərini keçirdiyi İsveçrədə 1977-ci ilin dekabrında dünyasını dəyişib. Onun adı ilə bağlı ən səs-küylü hadisə ölümündən az sonra baş verib. 1978-ci il martın 2-də Çarli Çaplinin doğmaları sənətkarın cənazəsinin tabutla birlikdə yoxa çıxdığını öyrəniblər. Həmin gün axşam naməlum şəxslər onlara zəng edib, bildiriblər ki, tabut etibarlı yerdədir və onu geri almaq üçün qohumları pul ödəməlidir. Soyğunçularla danışıqlar yarım ay çəkir. Çaplinin həyat yoldaşı bildirib ki, tələb olunan 400 min funtu ödəmək niyyətində deyil, çünki artist özü bunu sadəcə gülünc sayardı....
Nəhayət, 27-ci zəngdən sonra polis cinayətkarları tuta bilir. Məlum olur ki, kino dühasının meyiti hesabına öz maddi vəziyyətini yaxşılaşdırmaq istəyənlər Polşa və Bolqarıstan immiqrantları olub. Onlar bildiriblər ki, bu ideya ağıllarına yaxın müddətdə İtaliyada baş vermiş oxşar oğurluq haqda qəzetdən oxuduqdan sonra gəlib. Cinayətkarlar qəbrin harda olduğunu göstəriblər, bundan sonra Çaplinin tabutu doğmalarına qaytarılır. Cinayətin təşkilatçısı 24 yaşlı polyak 4 il yarım həbs cəzası alır, onunla əlbir olan 38 yaşlı bolqar Qanço Qançev isə il yarım şərti cəza ilə canını qurtara bildi.
Çarli Çaplin 1978-ci il mayın 17-də isə yenidən dəfn edilib - cinayətkarların da dəfn etdiklərini nəzərə alsaq , bu sayca üçüncü dəfn olub. Yəqin ki, görkəmli gülüş ustası taleyin belə rişxəndini layiqincə qiymətləndirərdi....
Çaplinin qohumları belə hadisədən sığortalanmaq üçün cəsədi bu dəfə iki metrlik beton qat altında dəfn ediblər.
Parisdə baş verən hadisələrdən görünür ki, artistin bütün qiymətli əşyalarını da iki metrlik beton qatı altında dəfn etməyə dəyərdi - bəlkə yalnız bu yolla, Çaplinin hesabına bu gün də varlanmaq istəyənləri birdəfəlik susdurmaq olar... (analitik.az)
Xəbərdən istifadə edərkən istinad etmək vacibdir.
