Ermənilər böyük türk oğlu Atatürkün abidəsinin Amerikada ucaldılmasının qarşısını alıblar.
ABŞ-ın Kaliforniya ştatında "Carson City" bələdiyəsində keçirilən toplantıda şəhərdə Mustafa Kamal Atatürkün abidəsinin ucaldılması təklifi rədd edilib. 
Toplantıda səsvermə olub və səs çoxluğu ilə təklif qəbul edilməyib. Bələdiyyə məclisində uzun müddət müzakirə edilən təklifin rədd edilməsində Amerikadakı erməni lobbisi ilə yunanların böyük rolu olub.
Atatürkün heykəlinin ucaldılması təklifindən xəbər tutan Erməni İnqilabçı Federasiyası Qərbi ABŞ Mərkəz Komitəsi, ABŞ Qərb Bölgəsi Erməni Milli Komitəsi, Erməni Gənclik Federasiyası və Amerika Yunan Şurası kimi təşkilatların 400-ə yaxın üzvü Carson Citi bələdiyyə binasının qarşısında toplaşaraq etiraz aksiyası keçiriblər.
Qlendeyl şəhəri bələdiyyə sədri Zareh Sinanyan, Montebello bələdiyyə sədri Cek Hacıyan, Qlendeyl bələdiyyəsinin katibi Ardaşes Kazakyan, professor Levon Maraşlıyan və Amerika Yunan Konseyi Başkan Yardımcısı Aris Anagnos abidənin ucaldılmasına qarşı çıxışlar ediblər.
Erməni əsilli Kaliforniya ştatı Məclis üzvləri də toplantıda Atatürkün heykəlinə qarşı olduqlarını bildirən bir məktub göndəriblər. 
Abidənin ucaldılmasının lehinə səs verən altı nəfərdən biri Türkiyənin Los Anceles səfiri Raife Gülru Gezer olub.
Abidə təklifini ilk gündəmə gətirən Karson Bələdiyyə sədri Cim Dear isə səsvermə mərhələsində qərarını dəyişdirərək əleyhinə səs verdi. 
Ermənilərdən fərqli olaraq Kaliforniyada yaşayan türklər bu səsvermədə iştirak etməyiblər. (anspress.com)