"Atatürkün vəsiyyətini öz əllərimlə Dövlət Arxiv İdarəsinə verdim”.  Bu açıqlama ilə Türkiyənin keçmiş ədliyyə naziri Oltan Sunqurlu çıxış edib. O, Atatürkün vəsiyyətinin Dövlət Arxiv İdarəsinə təhvil verilməsi üçün 1989-cu ildə Ədliyyə Nazirliyinə təqdim edildiyini bildirib:   "Ədliyyə Nazirliyinin arxivlərini təmizləyirdik. Bu zaman Atatürkün əlyazması olan vəsiyyəti və şəxsiyyət vəsiqəsi ortaya çıxdı. Vəsiyyətnamədə mirasından İsmət Paşanın uşaqlarının təhsil xərclərinə pul ayrılması yazılmışdı. Xatırladığım qədəri ilə, Ankara Meşə Cütlüyünə dair heç bir şey yox idi. Mətbuatın önündə təntənəli mərasimlə vəsiyyətnaməni Dövlət Arxiv İdarəsinə təslim etdik. Verilməsi lazım olan sənədləri verdim”.   Xatırladaq ki, Türkiyə Memarlar Odasının Ankara şöbəsi Atatürkün Meşə Cütlüyünə dair vəsiyyətinin pozulması barədə məhkəməyə müraciət edib. Məhkəmə Dövlət Arxiv İdarəsindən vəsiyyəti tələb etsə də, qurum vəsiyyətin onlarda olmadığını bildirib. (Axar.az)