"General Motors”un (GM) tərkibində fəaliyyət göstərən "Opel” şirkəti Rusiyada avtomobil istehsalını dayandırdığını açıqlayıb. Şirkət Sankt-Peterburqda yerləşən zavodun fəaliyyətini cari ilin sonuna kimi tamamilə dayandıracaq. Bundan başqa konsernə daxil olan "Şevrolet” (Chevrolet) firması da bu ölkədə bəzi modellərin istehsalına xitam verib.   Bildirək ki, "Opel”in Rusiya bazarında çıxmasının əsas səbəbi kimi satış səviyyəsinin maksimum dərəcədə aşağı düşməsi, şirkətin ziyanla işləməsi göstərilir.   GM konserni verdiyi rəsmi açıqlamada atılacaq addımlar üçün 600 milyon dollar xərclənəcəyini bildirib.   Bu arada  Cənubi Koreya avtomobil istehsalçısı "SsangYong” da Rusiyaya avtomobil idxalını tamamilə dayandırdığını açıqlayıb.   "Röyter”in məlumatına görə, şirkət bu addımı Rusiyada satışın azalması səbəbindən Avropa və Çin bazarlarında güclənmək məqsədilə atıb. (Axar.az)