İnsan elə insan olduğu üçün insanlara insanlığını göstərməlidir. İnsanlıq dedikdə ilk olaraq ağıla gələn keyfiyyətlərdən biri də mərhəmət göstərmək, yardım etməkdir. İndi Leykoz xəstəliyindən əziyyət çəkən tələbə Kamran İbrahimovun da bu köməyə çox ehtiyacı var. Onun sağalması üçün 100 min manat lazımdır. Tələbəsi olduğu universitetdən artıq onun adına 20 min manatadək məbləğ toplanılıb. Əslində, heç kəs problemlərdən, xəstəliklərdən sığortalanmayıb. Yardım edək ki, yardım görək. Düşünməyək ki, bu gün bizim verə biləcəyimiz 1-2 manat onun "yarasını sağaltmaz”, yaxud həmin böyük məbləği toplamaqda rol oynaya bilməz. Təbii ki, bu belə deyil. "Dama dama göl olar” deyib müdrik atalarımız. Mərhəmət göstərmək istəyən hər bir şəxsin üzərinə cəmi 1 manatlıq məsuliyyət düşür; bu, minimum təklifdir. Mərhəmət göstərmək də könüllü bir addımdır. Əgər bunu da bacarmayan insanlar varsa, heç olmasa bu xəbəri müxtəlif sosial şəbəkələrdə paylaşa bilər ki, bundan xəbərsiz olan, lakin kömək etmək iqtidarında olan şəxslər görə bilsin. Tələbə yoldaşlarının düzəltdiyi Kamran İbrahimova aid informasiya şəkilində onun bank hesabı qeyd olunub.
Allah şəfa versin!