Daha bir Azərbaycanlı gənc böyük uğura imza atıb. Hollandiyada yaşayan həmyerlimiz 28 yaşlı Bəhruz Məmmədovun nanomaterial əsasında yeni texnologiyaların hazırlanması layihəsi Amerikanın böyük investisya şirkəti ''Cottonvood'' tərəfindən 2,5 milyon avro dəyərində qiymətləndirilib. Bu şirkət səhmlərinin böyük hissəsi həmyerilmizə məxsus olan ''Eurokit'' şirkətinin səhmlərinin bir hissəsini 1 milyon avroya alıb. Növbəti bir il ərzində isə bu şirkət Bəhruz Məmmədovun ideyası olan və dünyada bir ilk olacaq elastik seramik radarları satışa çıxaracaq.
Şirkətin məhsulları isə təkcə elastik radarla yekunlaşmır. Növbəti mərhələdə isə həmyerlimizə məxsus olan şirkət tərəfindən daha çox enerji saxlayan smartfon batareyalarının da istehsalına başlayacaq. Eyni zamanda, şirkət dünyada ilk dəfə olaraq yüksək temperatura davamlı sensorları da istehsal etməyi hədəfləyir.
Səhmlərinin böyük hissəsi Bəhruz Məmmədova məxsus şirkət tərəfindən hazırlanan məhsullar əsasən Amerika qitəsi üçün nəzərdə tutulsa da, bu məhsulların Azərbaycanda da satılması gözlənilir. Dünyaca məşhur ''Cottonvood'' investisiya şirkəti isə bu məhsulların satışında ortağına köməklik edəcək. Gənc olmasına baxmayaraq, belə bir böyük uğura imza atan həmyerlimizin gənclərə tövsiyəsi də var.