Sosial şəbəkədə Ukrayna Ali Radasının deputatı İqor Mosiyçukun
hüquq-mühafizə orqanlarının əməkdaşlarını necə ələ salmasını əks etdirən
video yayılıb.
Moderator.az-ın
xarici KİV-ə istinadən verdiyi xəbərə görə, Dövlət Yol Polisinin
müfəttişləri dövlət nömrə nişanı olmayan mikroavtobusu sənədləri
yoxlamaq üçün saxlayıblar. Gözlənilmədən avtomobildən maskalı və silahlı
kişi sıçrayaraq müfəttişləri yolun hərəkət hissəsində diz çökməyə
məcbur edir.
Bundan sonra avtomobildən düşən
Mosiyçuk əlində tapança ilə qayda-qanun keşikçilərinə bir neçə söz
deyir. Sonra yenidən avtomobilə minərək hadisə yerindən uzaqlaşır.
Xatırladaq
ki, Mosiyçuk hazırda həbsdədir. Deputat və Radikal Partiyasının lideri
Oleq Lyaşkonun silahdaşı olan Mosiyçuk 2015-ci il noyabrın 15-dək həbsdə
qalmalıdır.
Xəbərdən istifadə edərkən istinad etmək vacibdir.
