Əfqanıstan ordusu  ölkənin şimalındakı Kunduz şəhərini  Taliban üsyançılarından geri almaq üçün genişmiqyaslı hərbi əməliyyatlara başlayıb.

Bölgəyə xeyli sayda hərbçi cəlb edən hökumət ilk olaraq strateji nöqtələrin terrorçulardan təmizlənməsinə göstəriş verib. Bu istiqamətdə bölgədəki hava limanının təhlükəsizliyi təmin olunub. Üsyançıların hücum etdiyi həbsxanada nəzarət yenidən polislərə keçib.  ABŞ müdafiə nazirliyi Pentaqon bu gün səhər saatlarında  Kunduzu işğal edən terrorçulara qarşı hava zərbələri endirdiklərini bəyan edib. Hazırda şəhərdə güclü silahlı toqquşmanın davam etdiyi, ölənlərin olduğu bildirilir.  ABŞ-ın Əfqanıstana qoşun göndərdiyi  2001-ci ildən bu yana, ilk dəfədir ki, Taliban qruplaşması bir şəhərə nəzarəti ələ keçirir. Bununla belə, üsyançıların Kunduzu əllərində  çox saxlayacağı gözlənilmir.

ATV Xəbər