Azərbaycan Dillər Universitetinin tələbələri Dünya Azərbaycanlılarının Həmrəyliyi Günü münasibətilə möhtəşəm flaşmob keçirib.
ATV.az-a açıqlama verən Azərbaycan Dillər Universiteti Tələbə Gənclər Təşkilatının nəzdində Vətənpərvərlər Departamentinin sədri Günay Məmmədli onu da qeyd edib ki, davamlı olaraq tələbələrimiz tərəfindən flaşmoblar keçirilir:
"Həmrəylik gününə özəl olaraq, maraqlı flaşmob hazırlamışıq. Məqsədimiz hər zaman həmrəy olmağımızı dünyanın müxtəlif yerlərində yaşayan soydaşlarımıza çatdırmaqdır. Davamlı olaraq da yeni-yeni layihələr üzərində çalışırıq. Azərbaycan yaşadıqca, hər birimiz, hər bir gənc yaşayacaq. Hər bir vətəndaş vətənimizi qorumağa çalışmalıdır. Vətənimiz naminə birliyimiz, həmrəyliyimiz ən böyük sərvətimizdir".
Onu da qeyd edək ki, universitetin həyətində tələbələr tərəfindən Azərbaycan Respublikasının xəritəsi təsvir olunub. Dünya ölkələrinin bayraqları nümayiş olunan flaşmob tələbələrin maraqlı rəqslərilə sona çatıb.
ATV.az flaşmobdan olan görüntüləri təqdim edir:
Xəbərdən istifadə edərkən istinad etmək vacibdir.
