Sumqayıt şəhər sakini, bir müddət Sumqayıt Dövlət Dram Teatrında çalışmış və Azərbaycanda fəaliyyət göstərən "Turan” teleteatrının rəhbəri Kəmalə Kamalqızı Türkiyənin "Barış” telekanalında aparıcılıq edəcək. K. Kamalqızının müəllifi və aparıcısı olduğu veriliş "A-dan Z-yə Azərbaycan” adlanır. Veriliş "UPT” sürətli pul köçürmələrinin sponsorluğu ilə yayımlanacaq.
K. Kamalqızı Xeberle.com-a bildirib ki, verilişin ərsəyə gəlməsində İstanbul Azərbaycan Kültur Evinin də dəstəyi olub. O, qeyd edib ki, İstanbul Azərbaycan Kültur Evinin, həmçinin müəllifi olduğu verilişin əsas məqsədi Azərbaycan mədəniyyətini təbliğ etməkdir.Qeyd edək ki, ilk veriliş martın 5-də saat 23:00-də (Türkiyə vaxtı ilə) yayımlanacaq.