Sumqayıt şəhəri Təbiət Elmləri Təmayüllü Gimnaziyanın və Nizami Gəncəvi adına Sumqayıt şəhəri Texniki və Təbiət Elmləri Liseyin şagirdləri qəbul imtahanlarında 100 % nəticə göstərərək tələbə adını qazanıblar. Belə ki, cari mövsümdə Sumqayıt şəhəri Təbiət Elmləri Təmayüllü Gimnaziyanı 55 şagird bitirib. Onlardan 51-i Azərbaycanın, 4-ü isə xarici ölkələrin universitetlərinə qəbul olunub. Məzunlardan 10-u qızıl, 2-si isə gümüş medalla məktəbi bitirib. Nizami Gəncəvi adına Sumqayıt şəhəri Texniki və Təbiət Elmləri Liseyindən isə 54 nəfər məzun olub. Onlardan 42-si Azərbaycan, 12-si isə xarici ölkələrin ali məktəblərində təhsillərini davam etdirəcəklər.
Daha öncə qeyd etdiyimiz kimi, İsmət Qayıbov adına Sumqayıt şəhər 1 nömrəli tam orta məktəbin 3 sinfinin, Təfəkkür liseyinin isə 2 sinfinin şagirdləri qəbul imtahankarında 100 % nəticə əldə ediblər.
Ümumilikdə isə Abşeron-Xızı Regional təhsil idarəsinin tabeliyində fəaliyyət göstərən məktəblərdə 172 şagird 600-dən, 37 şagird isə 650-dən yuxarı bal toplayıb.