Rublika:”
Unutmağa haqqımız yox!”
08.10.2023-cü il tarixdə Sumqayıt Şəhidlər Xiyabanında dəfn olunan 6 Vətən oğlunun həyat hekayəsi...
Əsilləri Azərbaycanın müxtəlif bölgələrindən olsa da, taleləri Gənclik şəhəri Sumqayıtla bağlı olan Şəhidlərimizin həyat hekayələri bir-birindən fərqlənsə də, onların bir amalı olub: Vətən torpaqlarını yağı düşməndən azad etmək, bugünkü gənc nəslin parlaq gələcəyini təmin etmək!
(Yazı Şəhidlərimizin Sumqayıt Şəhidlər Xiyabanında dəfn olunma ardıcıllığı ilə verilib).
-------------------------------------
RƏHİMLİ MURAD İLQAR oğlu
(Əsgər)
MURAD İLQARoğlu RƏHİMLİ31 oktyabr 1991-ci ildə Sumqayıt şəhərində anadan olub. 1998-2009-cu illərdə Sumqayıt şəhər M.Müşfiq adına 34 saylı tam orta məktəbdə oxuyub. 2009-2013-cü illərdə Azərbaycan Dövlət Pedaqoji Universitetinin "Ekoloğiya” fakültəsində təhsil alıb.
Murad Rəhimli ali təhsilini başa vurduqdan sonra, 2013-cü ildə Səfərbərlik və Hərbi Xidmətə Çağırış üzrə Dövlət Xid mə ti nin Sumqayıt Şəhər İdarəsi tərəfindən həqiqi hərbi xidmətə çağrılıb. O, Naxçıvanda yerləşən "N” saylı hərbi hissədə, Milli Ordunun əsgəri kimi, xidmətə başlayıb və 2014-cü ildə xid mə tini ləyaqətlə başa vurub.
---------
Murad hələ məktəbdə oxuduğu illərdə "Cüdo” idman növü ilə məşğul olub. 2007-ci ildə Sumqayıt şəhərində "Fərid” İdman Klubunun Cü do üzrə, yeniyetmələr arasında keçirdiyi "Dostluq görüşü”ndə 50 kq. çəki dərəcəsində 3-cü yeri tutaraq Diplomla təltif olu nub. Həmçinin o, bir çox yarışlara qatılaraq, Fəxri Fərman və hədiyyələrə layiq görülüb.
Murad tələbə vaxtı da universitetin ictimai işlərində fəal iştirak edib. Gənclər təş kilatında "Liderlik” məktəbinə yazılaaraq, böyük həvəslə tədbirlərdə iştirak edib. Bu məktəb onun həyatında önəmli rol oynayıb. Məqsədə doğru inamla addımlamaq, yalnız irəli baxmaq, karyera qurmaq... – yeni uğurlu yolun başlanğıcı idi.
Murad zəhmətkeş, övladlarını doğru-düzgün, ləyaqətli, vicdanlı, vətənpərvər böyüdən, sakit bir həyat yaşayan Əliyevlər ailəsində dünyaya gəlib. Ailədə tək oğul, iki bacının bir qardaşı ol du ğuna görə, valideynlər, əsasən də ata, hər zaman onu fərqləndirib. Hər kəs onun nazını çəkdiyinə görə, bir qədər ərköyünlüyü də olub. Heç kim onu incitməz, xətrinə dəyməzdi. Əzizlərinə bağlı olan Murad hər zaman valideynləri, bacıları ilə fəxr edib.
Həmişə fərqli düşünən, fərqli addımlar atan və istəyinə doğru, tərddüd etmətən inamla irəliləyən biri olub Murad. Hətta soyad məsələsində də istədiyini hə yata keçirmişdi. Belə ki, Muradın atasının soyadı Əliyevdir. Lakin Murad babasının soyadını götürərək, "li” şəkil çi sini artırmaqla, "Rəhimli” soyadına sahib olub.
Geniş dünyagörüşünə, aydın təfəkkürə malik olan Murad yenilikçi, daima axtarışda olan idi. Hər zaman öz üzərində iş lə məyə, təhsilini artırmağa çalışıb. Ağlı, düşüncəsi və savadı ilə hər zaman ətrafında olan insanların diqqətini cəlb edib.
Murad ailəcanlı, qayğıkeş, diqqətcil, qəlbi saf su kimi təmiz biri idi. Harada bir köməksiz görsəydi, çalışardı ki, o şəxsə yardım etsin. Hətta cibində olan son pulunu da xərcləməyə hazır idi, təki qarşısındakı insanı sevindirə bilsin. Ehtiyaçı olana əl tutanda mənən rahatlıq tapıb.
Vətənə məhəbbət hissi hələ uşaq vaxtlarında qəlbində kök salmışdı igidimizin. O Vətən ki, yolunda bir an da belə düşünmədən, qurban getməyə hazır idi...
Murad Rəhimli ilk əmək fəaliyyətinə 2015-ci ildə SOKARda (Neft Şirkəti) mühafizə xidmətində "Atıcı” vəzifəsində işləməklə başlayır. 2018-ci il də könüllü olaraq işdən çıxır və Dövlət qulluğuna hazırlaşır. Murad çox istəyirdi ki, dövlət qurumunda çalışsın, ölkəsinə, xalqına daha çox xeyir versin. O, ciddi cəhdlə hazırlaşaraq, müsahibə və müsabiqədən uğurla keçir. Sivinc içində olan gəncin, demək olar ki, işi hazır idi. Sadəcə, həmin ərəfədə dünyanı cənginə alan pandemiya səbəbindən, iş yerlərinə təyinat dayandırılır və bu səbədən, Murad gözləməli olur...
Murad Rəhimli 2019-2020-ci illərdə bütün potensialını, qüvvəsini birləşdirib öz üzərində daha da ça lı şaraq biliyini artırmağı, gələcək həyat yolunu müəyyənləşdirməyi qarşısına məqsəd qoyur. 2020-ci ilin fevralında deputatlığa namizədliyini verən Murad Rəhimlinin Sumqayıt şəhər seçki məntəqəsində na mizədliyi təsdiqlənir. O, seçki günü yetərincə səs toplamasa da, insanların sevgisini qazanır, daha çox kütlə belə bir gənc kadrı tanıyır. Murad isə sınmır, əksinə, bu mübarizədə daha da mətinləşir, güclənir, özünəinam hissi artır, gələcəyə ümidlə baxaraq irəliyə doğru addımlayır...
Vətən sevdalı Murad Rəhimov 2020-ci ilin iyil ayında baş vermiş Tovuz hadisələrindən, xalqın sevimli general-mayoru Polad Həşimovun ölümündən bərk sar sılaraq birbaşa Hərbi Komissarlığa gedir və adını könüllülərin siyahısına yazdırır.
27 Sentyabr tarixində II Qarabağ savaşı - Vətən müharibəsi başlananda Murad Rəhimli, ona Çağırış vərəqəsi gəlmədiyinə görə, narahat olur. O, Hərbi Komissarlığa gedərək, cəbhəyə getməsini tezləşdirmələrini xahiş edir.
Muradın jurnalistikaya marağı olduğundan, o, müharibə başlamamışdan əvvəl "Jurnalistika” kursuna yazılır. Ön cəb hədə jurnalist kimi iştirak etmək arzusunda olur. Təəssüf ki, kursu bitirmə haqqında "Sertifikat” onun ailəsinə Murad dö yüş bölgəsində olan vaxt verilir.
Oktyabr ayının 1-i 2020-ci ildə səhər saatlarında qəlbi Vətən eşqi ilə çırpınan, "öncə Vətən!” deyən, Azərbaycan Ordusunun əsgəri Murad Rəhimli Tərtər-Ağdərə istiqamətind gedən döyüşlərə qatılır. O, üç dəfə ağır döyüş əməliyyatlarının iştirakçısı olur, neçə-neçə mənfur düşməni məhv edir, yaralı yoldaşlarını döyüş meydanından kənarlaşdırır...
Oktyabrın 6-sı Murad evlərinə zəng edir, atası ilə danışır. Daha sonra yoldaşı ilə danışaraq ondan halallıq istəyir. Təəssüf ki, dünyalarcan sevdiyi ana sının səsini eşitmək ona nəsib olmur. Evin aşağı mərtəbəsində olan ana telefona gəlincə, artıq əlaqə kəsilir...
...Tərtər-Ağdərə is ti qamətində döyüşlər başlayır. "Tülkü dərəsi” adlanan ərazidə savaş daha da qızışır. Muradgillə ermənilərin arasında məsafə çox yaxın olur. Mina m yot lardan atılan mərmilər başlarının üstündən keşərək ətrafı dağıdır... Düşmənə növbəti cavabını vermək üçün, Murad səngərdə əyilərək, cəld hərəkətlə tüfənginə patronları doldurmağa başlayır. Silahını hazır vəziyyətə gətirib yenidən düşməni atəşə tutur. Bu zaman cəsur döyüşçü başından yaralanır. Daha sonra aldığı güllələrdən qəhrəmanımız yerindəcə dünyasını dəyişərək ən uca məqama - Şəhidlik Zirvəsinə yüksəlir.
Murad Rəhimli 2019-cu ildə Zabitə Alıyevanın işıq üzü görən "Sonsuz Aləm” klipinə çəkilmişdi. Klipdə baş verən hadisələrdə gö rün mə yən dünyaya gedən yol və bu yola can atan insanlar göstərilir. Və klipdə də, qapıları açıb Cənnətə ilk daxil olan Mu rad olur... Bəlkə də bu, bir işarə idi... bunu yalnız Murad bilirdi... hara və nə üçün tələsdiyini... Ancaq həqiqət, reallıq odur ki, ölümüylə ölümsüzlük qazanan Murad əlçatmaz dünyanı əlçatan etdi!
Bu gün təkcə Muradın atası İlqar bəy və anası Mələk xanım, bacıları Pərvanə xanım və Dürdanə xanım, sevib-seçdiyi həyat yoldaşı olan dayısı qızı Qəmər xanım deyil, bütün Azərbaycan xalqı, milləti könüllərdə taxt quran qəhrəman Vətən oğlu ilə qürur duyur, fəxr edir!
Azərbaycan Ordusunun igid əsgəri Murad Rəhimlinin nəşi 07.10.2020-ci il tarixdə doğma şə hərinə gətirilir və 08.10.2020-ci ildə Sumqayıt Şəhidlər Xiyabanında torpağa tapşırılır.
Şücaəti ilə, 44 günlük Vətən müharibəsində adını Azərbaycanın Şanlı Zəfər tarixinə Qızıl hərflərlə həkk edən Murad Rəhimli təkcə I Qarabağ müharibəsində şəhid olmuş dayısı Şükür Rəhimovun deyil, bütün Şəhidlərimizin qanını yerdə qoymayaraq, düşməndən qisas alan 2783 Şəhiddən biri oldu!
Azərbaycan Silahlı Qüvvələrinin 29 yaşlı yenilməz, məğrur, qoçaq əsgəri, atıcı Murad İlqar oğlu Rəhimli ölümündən sonra, Azər baycan Respublikasının prezidenti İlham Əliyevin müvafiq Sərəncamları ilə "Vətən uğrunda”, "Cəsur döyüşçü” və "Suqovuşanın azad olunmasına görə” medalları ilə təltif olu nub.
Ruhun şad olsun, Cənnətməkan Şəhidimiz!
--------------------------------
QULİYEV NATİQ RAMİZ oğlu
(Əsgər)
QULİYEV NATİQ RAMİZ oğluil19 fevral 2001-ci ildə Sumqayıt şəhəri, H.Z.Tağıyev qəsəbəsində anadan olub. 2007-ci ildə H.Z.Tağıyev qəsəbəsindəki 19 saylı tam orta məktəbin 1-ci sinfinə gedib. Sonradan qəsəbədən şəhərə köçdüklərindən, Natiq Corat bağlarında yerləşən 2 saylı tam orta məktəbdə 2-ci sinifdən təhsilini davam etdirir və 2018-ci ildə mək təbi uğurla bitirir.
Hər bir insana dünyaya gələrkən seçilən ad onun həyatında önəmli rol oynayır və yaxud həyatına müəyyən dərəcədə təsir edir və s. fikirlər səslənir hər zaman. Zaman keçdikcə adın daşıyıcısının sanki o adın mənası ilə bir uyğunluğu, oxşarlığı, bağlılığı olur. Natiqin adı təsadüfən qoyulmayıb. Hələ dünyaya gəlməmişdən əvvəl anası Sədaqət xanıma röyasında nə vaxtsa ola ca ğı övladının adının "Natiq” qoyulmasını dyiblər. Natiq dünyaya gələndə ana yuxusunu xatırlayır və övladına bu adı verir.
Dünyaya gələn körpənin, başqalarından bir fərqi də olur. Belə ki, Natiqin bədənində fərqli bir nişanə olur. Bu, nişanə bütün əziz-doğmaları təəccübləndirir. Uşağın hər iki qu lağının arxasınada sanki çərtilmiş "bərabər” işarəsi açıq-aydın görünürdü. Eyni yerdə, eyni işarə. Ana qəribəliyə ay dınlıq gətirmək üçün, həkimə, mömin insanlara müraciət edir, nişanəni göstərir. Din xadimləri də bunu Allahın möcüzələrindən biri kimi qəbul edirlər. Daha bir qəribəlik də onda idi ki, Natiq körpə vaxtlarından, ilk dəfə oturmağa başlayandan, özü də fərqinə varmadan, yal nız bardaş qurub oturardı. Çoxları onun bu cür oturuşuna da məəttəl qalardılar. Fərqlilik sanki Natiqin alın yazısı idi...
Kiçik qəhrəmanımız uşaqlıqdan ailəyə bağlı olub. Ən çox da anasıyla nəfəs alıb. Nə söz-söhbəti, dərd-səri olib, anası ilə bö lü şüb. Sözünün əvvəli də, sonu da "ana” olub. Valideynə hörmət və ehtiram bəs ləyən, hər şeyin yerini bilən, istiqanlı, cəfakeş idi bizim Natiq. Valideynlərin bir sözünü iki etməz, hər bi buyuruğa "baş üstə” deyərək, canla-başla əməl edərdi.
Natiq Quliyev təbitcə sakit, mülayim xasiyyətli, tərbiyəli, əxlaqlı, nizam-intizamlı olub. Məhz elə bu tərbiyəsinə və təhsildəki nailiyyətinə görə, məktəb kol lektivi Natiqdən hər zaman razılıq edərdi.
Natiq Quliyev uşaqlıqdan güclü hafizəyə malik idi. Yaddaşı iti olduğundan verilən dərsi bir dəfə oxumaq kifayət edərdi ona. Kiçik yaşlarından riyazi hesablamaları anındaca yerinə yetirərdi. Anası ilə bazarlığa gedəndə alış-veriş zamanı ona yardımçı olar, anındaca hesabat aparardı. Ətrafdakılar da uşağın fərasətinə, bacarığına məəttəl qalar, "maşallah” deyərdilər.
Bütün dərs lərinə fikir versə də, Azərbaycanın tarixi Natiq üçün çox maraqlı idi. Bəli, Natiqin ən çox sevdiyi fənn məhz Tarix olub. Doğma Vətəninin tarixi keçmişini mükəmməl bilməyə çalışıb. Onun keçdiyi mə şəq qətli, lakin şərəfli yol, qəhrəmanlarının şücaətləri Natiqdə vətənpərvərlik hissini daha da artırıb. Elə doğma əmisinin şərəfli döyüş yolu, şücaəti onun üçün bir "qəhrəmanlıq nümunəsi” olub.
Natiqin əmisi Quliyev Hafiz Ağamoğlan oğlu 1994-cü ildə hərbi xidmətdə olan zaman I Qarabağ müharibəsi başlamış və o, bu müharibədə qəhrəmancasına şəhid olmuşdu. Natiq də, Sumqayıt Şəhidlər Xiyabanında uyuyan əmisinin tim sa lında bütün Şəhidlərimizin qisasını düşməndən almağı qarşısına məqsəd qoymuşdu.
Natiq böyüdükcə onun arzuları da çoxalırdı, ali təhsil almaq, sürüçülük məktəbini bitirmək, maşın sürmək, hərbi xid mətə getmək, düşmənin layiqli cavabını vermək, seçdiyi sənətdə uğurlaq qazanmaq... Hələ ki o, uğura gedən yolun pil lə lərini çıxmaqda idi...
Həyarsevər, xoş arzularla yaşayan yeniyetmə, futbol azarkeşi olduğundan, məktəbdə oxuduğu vaxtlar idmanla, əsasən də futbolla məşğul olub. Futbolda yarışlarda iştirak edib, uğur qazanıb. Hətta bir dəfə komandası qalib gələrək, II yeri tutub. Maraqla oyunlarını izlədiyi isə İspaniyanın "Barselona” komandası idi. Hətta klubun oyunçularının şəkil kolleksiyasını da toplamışdı.
Natiq idmana o qədər bağlı idi ki, arzularından biri İdman Akademiyasında təhsil almaq olub. Elə bu istəklə də, 2018-ci ildə sənədlərini ali məktəbə versə də, keçid balını toplaya bilmir. Topladığı balla Türkiyədə təhsil al maq şansı olsa da, o, bunu qəbul etmir. Ailəyə hədsiz bağlılığından, yalnız vətəndə təhsil almağa üstünlük verir. Beləiklə, gənc oğlan əvvəlcə hərbi xidmətə getməyi, xidmətdən sonra yenidən sənədlərini ali məktəbə verməyi qərara alır.
Natiq baçısı Aynura möhkəm, qırılmaz tellərlə bağlı idi. Ona həddən çox sevgi bəsləyər, dəyər və qiymət verərdi. Çox mehriban bacı-qardaşlar hər yerə qoşa gedərdilər. Natiq hər zaman deyərdi: "Mənim qardaşım olmasa da, bacım həm də qar daşdır mənə”.
Natiq Quliyev dostluqda etibarlı, sədaqətli olsa da, dostluğa münasibəti başqa idi. Deyərdi:"İnsanın çox dostu olmaz. Əsl dost insanın öz ailəsidir”.Sevməzdi evə dost-tanışları gətirməyi. Dostluğu, yoldaşlığı çöldə-bayırda edərdi. Bu da onun özünəməxsus xasiyyətlərindən biri idi
Nə hadisə baş verir-versin, Natiq hər zaman duaçı olub. "Allah kömək olsun!” kəlməsi dilinin bəzəyi idi. Xoş niyyətli, qəlbi açıq, səxavətli... - belə gö zəl xüsusiyyətlərə malik idi.
Natiq Quliyev 2019-cu il aprelin 23-də Azərbaycan Ordususıralarında müddətli həqiqi hərbi xidmətə başlayır. Əvvəlcə Goranboy rayonunun Yuxarı Ballıqaya kəndindəki, Andiçmədən sonra Tərtər rayonunun Cəmilli kəndindəki hərbi hissədə xidmət edir. O, komandanlıq tərəfindən verilən tapşırıqları vaxtında və düzgün yerinə yetirdiyinə görə, ailəsinin adına 3 dəfə "Təşəkkürnamə” yazılır. Gənc əsgər onların şəklini çəkib mesajla göndərsə də, deyirdi, "gələndə özüm gətirəcəm”.
Natiq Quliyev həddən çox təmizkar olub, səliqəli, dəblə geyinməyi sevib. Bu xüsusiyyəti əsgərlikdə də heç kəsin gözündən yayın ma yıb. Komandiri deyib ki,"mənim 3-4 belə əsgərim var ki, böyük həvəslə hər gün üzünü qırxar, ayaqablarını tə miz lə yər...”.
2020-ci ilin oktyabr ayının 1-5 arası ailə Natiqin yolunu səbirsizliklə gözləyirdi. O, xidmətini başa vurub evə dönməli idi. Natiq də intizarla həmin xoşbəxt günü, anasına sarılacağı anı gözləyirdi...
Sentyabrın 27-si 2020-ci ildə Vətən müharibəsi başlananda Natiq də, digər yaşıdları, əsgər yoldaşları kimi, döyüş ruhunda, QƏLƏBƏ əzmində idi.
Natiq Quliyev Ağdərə istiqamətində gedən qızğın döyüşlərdə yaralanır, lakin ailəsinin narahat olmasını istəməyərək, bunu onlardan gizlədir. Onu hospitala aparmaq istəsələr də, o, qəti şəkildə etiraz edir və yaralı halda döyüşə davam edir.
Düşmənə qarşı mübarizədə bir çöx uğurlu əməliyyatlara imza atan igidimiz, Ağdərə uğrunda gedən döyüşlərdə bir dəfə də yara la nır. Lakin bunu da, natahat olmasınlar deyə, evdəkilərə bildirmir. Yoldaşları nə qədər desələr də ki, "hərbi hospitala ap araq”,bu dəfə də o, razılıq vermir.
Oktyabr ayının 4-ü səhər saat 8-10 radələrində Natiq evə zəng edir. Həmin gün ata işdə olduğundan, o, anası və bacısıyla da nışır. "Ana, salamatçılıqdır, narahat olma. Sizi çox sevirəm!”. Hər zamankı kimi, qısa və konkret olur sözü və cavabları.
İki gün sonra Natiqin ŞƏHİD olması xəbəri gəlir...
İllər, əsrlər keçsə də, Vətən mügaribəsində Suqovuşan uğrunda gedən döyüşlər zamanı şəhidlik məqamına yüksələn, qazanılan Zəfər tarixinə adını əbədi həkk edən şəhidimiz Natiq Quliyev daima ürəklərdə yaşayacaq...
Azərbaycan Ordusununməğrur, mətin, igid döyüşçüsü Quliyev Natiq oktyabrın 8-i 2020-ci ildə SumqayıtŞəhidlər Xiyabanında dəfn olunur.
Azərbaycan Silahlı Qüvvələrinin 19 yaşlı gənc əsgər, rabitəçi Natiq İlqar oğlu Quliyev ölümündən sonra, Azərbaycan Respublikasının prezidentiİlham Əliyevinmüvafiq Sərəncamlarına əsasən,"Vətən uğrunda” və "Laçının azad olunmasına görə” və"Suqovuşanın azad olunmasına görə”medallarıilə təltif olunub.
Ruhun şad olsun, Cənnətməkan Şəhidimiz!!!
----------------------
MƏHƏRRƏMOV ORXAN BİNƏT oğlu
(Əsgər)
Əslən Gürcüstan Respublikasının Marneuli rayonunun Qaçağan kəndindən olan ORXAN BİNƏT oğlu MƏHƏRRƏMOV25 avqust1994-cü ildə Sumqayıt şəhərində dünyaya göz açıb. 2002-2010-cu illərdə 28 saylı tam orta məktəbdə oxuyub. Məktəb illərində, haradasa 2-3-cü siniflərdə oxuyanda, Orxan idmanın "Yüngül atletika” növü ilə məşğul olub.
Dörd nəfərdən; ata, ana, bir oğul və bir qız övladından ibarət olub Məhərrəmovlar ailəsi. Ailənin tək oğul övladı olan Orxan uşaqlıqdan sakit təbiətli, özünə qapanan olub. Oyun oynayanda belə, bir kənara çəkilər, sakitcə oyuncaqları ilə oynayar, öz aləmində olardı. Saatlarla tək olsaydı belə, darıxmazdı. Öz sehirli dünyasında olduğuna görə, ətrafdakıları belə görməzdi. Maşınları çox sevdiyindən, həddən çox maşın kolleksiyası vardı.
Orxan böyüdükcə artıq fərdi keyfiyyətləri üzə çıxır, xarakteri formalaşırdı. Nə qədər sakit təbiətli, özünə qapanan, az danışan ol say dı da, insanları çox sevər, onlara hörmət bəsləyər, dəyər verərdi.
Hər kəsə can yandıran, ürəyi açıq, mərd, səxavətli biri idi bizim Orxan. Da nı şı ğı nı, oturuş-duruşunu bilən, səliqə-sahmanlı, nizan-intizama riayət edən, tərbiyəli, əxlaqlı idi deyə, hamı onun xətrini çox is tə yərdi. Böyüklə böyük, kiciklə kiçik kimi rəftar edərdi. Hətta qonşular belə deyərdilər ki, "Orxan kimi bala yoxdur”. O qə dər saf, təmiz qəlbli idi ki, məktəbdə müəllimləri də, "Orxanın üzünə bax, qiymətini yaz” söyləyərdilər. Orxan bütün müəl limlərin və yoldaşlarının məhəbbətini qazanmışdı.
Orxan orta məktəbi bitirdikdən sonra, 2010-2012-ci illərdə işləyərək ailəsinə dəstək olur. 2012-ci ilin oktyabr ayında Sum qayıt Şəhər Hərbi Komissarlığı tərəfindən hərbi xidmətə çağrılır. O, ilk əvvəl Gədəbəy rayonunun Saratovka kəndində yerləşən hərbi hissədə xidmətə baş layır. Andişmədən sonra Gədəbəyin İvanovka kəndində xidmətini davam etdirir. Hərbi hissənin əla hiddə minaatan batareyasının 2-ci taqımının 2-ci manqasında xidmət göstərir.
2014-cü ilin aprel ayında Orxan hərbi xidmətini başa vurub evə dönür. O, boş-bekar qalmayıb işləməyə çalışır.
Harada calışır-çalışsın, gördüyü işə məsuliyyətlə yanaşar, hər bir tapşırığı can-başla yerinə yetirərdi. Kim sə nin xətrinə dəyməz, kimsəni incitməzdi. Mübahisəni heç sevməzdi. Yaşı az olsa da, hər zaman küsülü insanları başa sal mağa, barışdırmağa çalışardı. Ətrafındakı bütün insanları mehriban, bir ailə kimi görmək istəyərdi.
Dostluğa dərər verən Orxan, dost seçimində çox diqqətli idi. "Hər kəsə dost demək olmaz!” deyərdi. Ona görə də dostu az idi, amma eti barlı, sədaqətli, güvəniləsi dostlar idilər. Çünki özü də dostluqda möhkəm idi.
Xaraktercə ciddi olan, az hallarda zarafat edən, danışanda sözlərinə fikir verən Orxan yersiz söhbətləri, şit zarafat və yumoru sev məzdi. Kompüter proqramlarına maraq göstərdiyindən, fərdi şəkildə bu proqramları öyrənməyə çalışardı. Dincələndə isə komüterdə oyunlar oynayardı.
Orxan çox vaxt dini kitabları mütaliə edər, dini filmlərə baxar, dini mahnılara qulaq asardı.
Deyirlər, insan dərdini bölüşəndə rahatlıq tapar, ünsiyyətdə olanda açılışar... Lakin Orxan susqunluğuyla kimsəni öz dünyasına buraxmaq istəməzdi... O, "yalqızlığ”ı ilə daha xoşbəxt idi. Olsun ki, onun xəyal dünyası o qədər zəngin idi ki, o aləmdə kimsəyə ehtiyacı yox idi...
Orxan uşaqlıqdan solaxay idi. Bir gün anasına deyir: "Bilirsən, solaxay olanlar tez ölür”.Ana diqqətlə oğluna ba xır, cavab verir ki, "birinci dəfə eşidirəm bunu. Əksinə, deyirlər ki, solaxay uşaqlar çox qabiliyyətli olurlar”.
Son zamanlar çox fikirli, düşüncəli idi igidimiz. Tez-tez anasına "axirətdə anam olasan”deyirdi, sanki elə bil nəsə olacağını bilir miş kimi. Son günlər isə demək olar ki, evdən heç çıxmırdı. İşdən gələr, vaxtını evdə keçirərdi. Ən çox maraqlandığı Pey ğəmbərlərin həyatı idi. Peyğəmbərlərin həyatı ilə bağlı filmlərə cox baxardı. Elə olardı ki, dəfələrlə eyni filmi izləyərdi. Sonradan suallar yaranardı: "niyə”, "nəyə görə”, "nədən rəhmətə getdilər?”, "necə oldu?”... Suallar burulğanında çabalasa da, bəzən sualları cavabsız qalardı... Orxan nəyin axtarışında idi, beynini yoran nə idi?.. Heç kim bilmirdi, özündən savayı...
Orxan əqidəli, məsləkli, yüz ölçüb bir biçən idi. Yalanı sevməz və özü də heç vaxt yalan söyləməzdi. Şəkil çəkdirməyi də xoşlamazdı. Doğmaları onu güclə dilə tutar, yola gətirərdilər ki, heç olmasa bir şəkil çəkdirsin.
Çox nadir hallarda gülərdi Orxan, əgər buna gülmək demək ol saydı... Sadəcə, dodağının kənarları bir balaca yığılardı, vəssalam. Lakin bütün bunlara baxmayaraq, o, həddən artıq ürəyi yumşaq, həlim xasiyyətli idi. İmkansız, zəif, köməksiz insanları ğörəndə həmin an əl tutmağa çalışardı.
2020-ci ilin iyul ayında baş vermiş Tovuz döyüşləri Orxanın həyatında dönüş nöqtəsi olur. O, kimsəyə bir söz demədən qərarını verir. Son radan zarafata salıb, evdə də "gedib yazılacam” deyir. "Şəhid” sözü dilindən düşməyən Orxan, son günlərdə bacısına "hər oğula nəsib olmur, gedib şəhid olsun”deyir.
Atacağı addıma qərar verən Orxan evdə heç kimə bir söz demədən Hərbi Komissarlığa gedir və adını könüllülərin siyahısına yazdırır. Və o gün, bəlkə də həyatında ilk dəfə, ürəkdən rahat nəfəs alır... "Vətən yolunda, Torpaq uğrunda ölümə getməyə dəyər!”düşünür...
2020-ci ilin 21 sentyabr tarixində II Qarabağ müharibəsi başlamamışdan bir həftə oncə könüllülərin mindiyi avtobus yola çıxır, üzü Qusar rayonuna sarı... Bu könüllülərin arasında Orxan Məhərrəmov da olur.
Nəzakət xanım:"Sentyabrın 21-də Qusar rayonuna təlimə apardılar. Orada az qaldı. Telefonla danışanda heç nə demirdi deyə, harada olduğunu bilmirdik. Soruşanda da, deyirdi ki, "narahat olmayın, yaxınlıqdayam, arxadayam”. Son iki gündə bildik ki, Füzulidədir. İstəməzdi ki, ona görə narahatlıq keçirək...”.
Bir neçə günlük təlimdən sonra, nəhayət ki, Orxanın gözlədiyi anlar yaxınlaşır...
27 Sentyabr 2020-ci il tarixində başlanan Vətən müharibəsi zamanı Orxan Məhərrəmov artıq ön cəbhədə düşmənə qarşı mübarizədə iştirak edirdi.
Oktyabrın 6-sı Orxangilin dəstəsi növbəti döyüşə hazırlaşır. Nəhayət, Füzuli-Xocavənd istiqamətində qızğın döyüşlər başlayır. Orxanın vəzifəsi "mina ata n” olduğundan, o, böyük coşqu ilə düşmənə ağır zərbələr endirir. Təəsüf ki, Vətən sevdalı oğul bu döyüşlərdə qəhrəmancasına həlak olaraq ən ali mə qa ma – Şəhidlik Zirvəsinə yüksəlir.
Azərbayn Ordusunun yenilməz, vüqarlı əsgəri Orxan Məhərrəmovun nəşi 7 oktyabr 2020-ci il tarixdə doğulduğu Sumqayıt şə hərinə gətilrilir və 8 oktyabr 2020-ci ildə Sumqayıt Şəhidlər Xiyabanında torpağa tapşırılır.
Bu gün Məhərrəmovlar ailəsi Orxanla qürur duyur, fəxr edir, xüsusən də qəhrəmanımızın atası Binət Məhərrəmov.
Azərbaycanın ZƏFƏR tarixinə adını Qızıl hərflərlə yazan mətin əsgər Orxan Məhərrəmovun bəlkə də qəlbinin dərinliyində hər kəsdən gizli saxladığı ən böyük istəyi, arzusu Şəhidlik Zirvəsinə ucalmaq, "Şəhid” adını daşımaq olub. Uca Allah sevimli bəndəsini arzusuna qovuşdurraq ona Cənnət qapılarını açdı. Bu qapılar isə hər kəsin üzünə açılmır. CƏNNƏT Allahın seçilmişlərinin məkanıdır!
Azərbaycan Silahlı Qüvvələrinin mərd, cəsur döyüşçüsü, 26 yaşlı minaatan Orxan Binət oğlu Məhərrəmov ölümündən sonra, Azərbaycan Respublikasının prezidenti İlham Əliyevin müvafiq Sərəncamlarına əsasən, "Vətən uğrunda” və "Xo cavəndin azad olunmasına görə”, "Füzulinin azad olunmasına görə” və "Cəbrayılın azad olunmasına görə”medalları ilə təltif olunub.
Ruhun şad olsun, Cənnətməkan Şəhidimiz!
----------------------------
ƏLİYEV EMİL ƏZİZ oğlu
(Əsgər)
EMİL ƏZİZoğlu ƏLİYEV 01 avqust1993-cü ildə Sumqayıt şəhərində dünyaya gəlib. 42 saylı uşaq bağçasında tər biyə alıb. 2000-2011-ci illərdə Sumqayıt şəhər Tofiq İsmayılov adına 29 saylı tam orta məktəbdə oxuyub. 2011-2015-ci illərdə Azərbaycan Dövlət Aqrar Universitetinin "Energetika” fakültəsində "Elektro energetik” ixtisası üzrə təhsil alıb.
AİLƏ:Əslən Qərbi Azərbaycanın Vedibasar rayonundan və Göyçə mahalından olan Əliyevlər ailəsi dörd nəfərdən ibarət olub: ata, ana və iki qardaşdan. Sumqayıt şəhərində anadan olan Əziz Əliyev uzun müddət "Şirvan” dəmiryol stansiyasında "operator” vəzifəsində işləyib. Mətanət xanım Abşeron rayonunun Saray qəsəbəsində dünyaya göz açıb. Sumqayıt şəhər Göz xəstəxanasında tibb bacısı kimi məsuliyyətli bir işdə ça lışmaqla yanaşı, böyük sevgi ilə, onun üçün ən önəmli olan ev qayğıları, uşaqların təlim-tərbiyəsi ilə məşğul olub. 1995-ci il təvəllüdlü Elvin Əliyev 6 il Mühafizə xidmətində "Baş mühafizəçi” vəzifəsində çalışıb.
Emil və El vin Əliyevlər təkcə qardaş yox, bir-birinə möhkəm bağlı olan mehriban dost, sirdaş olublar. Hətta onlara kənardan qibtə edən lər də olub.
Emil Əliyev hələ uşaq bağçasına gedəndə öz şirin danışığı, tərbiyəli davranışı ilə tərbiyəçilərin diqqətini çəkmiş, sevgisini qa zan mışdı. Kiçik yaşlı bu uşağın Vətənə olan sevgisi hələ o vaxtlardan hiss olunmuşdu. Güclü yaddaşa malik olan Emil vətənpərvərlik şeirlərini asan lıq la öyrənmiş və özünəməxsus tələffüzlə məharətlə söyləmişdi.
Məktəb illərində də, Emil səmimiliyi, mülayim, xoş xasiyyəti, mehribanlığı, qayğıkeşliyi ilə seçilmişdi. Məktəbin ictimai iş lə rin də aktiv olmuş, keçirilən tədbirlərdə fəal iştirak etmişdi. Çox asanlıqla insanlarla ünsiyyət qurmaq qabiliyyətinə malik olmuşdu. Pozitiv enerjili olan Emilin si ma sın dan təbəssüm əskik olmamışdı.
Emil Əliyev idmana olan hədsiz marağından, elə məktəbdə oxuduğu illərdə Yunan-Roma güləşi idman növüylə məşğul olub. Futbola olan marağını isə sözlə ifadə etmək çətindir. "Təhsil”in komandasında məşqlər keçən Emil bir çox yarışlarda iştirak edib, gənc futbolçu kimi yaşıdlarının arasında seçilib.
Emil Əliyev 2015-ci ilin iyul ayında müddətli həqiqi hərbi xidməti keçmək üçün, Sumqayıt Şəhər Hərbi Komissarlığı tərəfindən, Gəncə şə hərində yerləşən "N” saylı hərbi hissəyə göndərilib. 3 aylıq təlimlərdən sonra, Qazax rayonunun ön xəttdə yerləşən hər bi hissəsində xidmətini davam etdirib. 2016-cı ildə baş verən Aprel döyüşlərində "minaatan” kimi sücaət göstərib.
2016-cı ilin iyul ayında hərbi xidmətdən tərxis olunduqdan sonra, Emil Əliyev bir müddət doğma şəhərində fəaliyyət göstərən ticarət obyektlərində mühafizəçi iş ləyib. "Ən Ucuz” Marketlər şəbəkəsinin "Göyçay” market filialında mühasibatlıqda "operator” və zi fəsində əmək fəaliyyətinə davam edib. Bir ildən sonra, işində fəal olduğuna görə, "mal qəbulçusu” vəzifəsinə təyin olu nub. Daha bir neçə ay keçdikdən sonra isə, bacarıq və qabiliyyətinə, işinə məsuliyyətlə yanaşmasına görə, marketin mü diriyyəti tərəfindən "müdir müavini” vəzifəsinə yüksəlib.
Emil xasiyyətcə qəlbi yumşaq, xeyirxah, əliaçıq, mərd gənc olub. Kasıb, kimsəsiz, ehtiyac içində yaşayan bir insan görəndə, anındaca yardım etməyə, əl tutmağa çalışıb. O qədər saf, təmiz, kövrək qəlbli olub ki, küçədə yerdən bir çörək qırığını belə gö türən şəxsi görəndə deyib ki, "gəl yanıma, hər gün sənə bir çörək verəcəm”.Bəli, belə böyük ürəyin sahibi olub bizim qəhrəman Emilimiz! Kim olursan-ol, nəçi olursan-ol, əsas odur ki, əsl İnsan ol! Etdiyin yaxşılığı bəndə itirə bilər, lakin xeyirxah əməlin Allahın tale kitabında yazılmaqla, Onun nəzərində olur...
Uşaqlıqdan vətənpərvər ruhda böyüyən Emil Əliyev ailəcanlı, dostcanlı, qohumcanlı, həmçinin hər kəsə qarşı diqqətcil, qayğıkeş olduğuna görə, həmişə hamı tərəfindən sevilib, hörmət-izzət sahibi olub.
2020-ci ilin iyul hadisələri – Tovuz döyüşləri Emilə həddən artıq təsir edir. Aprel döyüşlərinin iştirakçısı olan gənc, general-mayor Polad Həşimovun ölümünü heç cürə unuda bilmir. Aprel döyüşlərindən yaxşı təcrübə toplayan Emil Əliyev növbəti savaşa tam hazır olur. Vətən sevdalı oğul ailəsinə bildirmədən Hərbi Komissarlığa gedərək adını könüllülərin siyahısına yazdırır. 2020-ci il sentyabrın 21-i ölkədə "Səfərbərlik” elan olunur və Emil səfərbərliyə cəlb olunur. O, hər şeyi: ailəsini, işini, karyerasını, arzularını... bir kə nara qoyub, özü arzuladığı kimi, Qarabağ uğrunda Vətən müharıbəsinə qatılır.
E.Əliyev sentyabrın 21-də ailəsinə xəbər etmədən, elə iş yerindən birbaşa Vətəni müdafiəyə gedir. Əvvəlcə Qusarda yerləşən "N” saylı hərbi hissədə təlimlərdə iştirak edir. Sentyabrın 27-də II Qarabağ müharibəsi başlanan zaman o, əsgər yoldaşları ilə birlikdə Bey ləqana, daha sonra Ağcəbədi rayonuna, bir neçə saatdan sonra isə Füzuliyə - döyüş bölgəsinə göndərilir.
Emil Əliyev bu müddətdə tez-tez ailəsi ilə əlaqə saxlayır. Onların necə narahat olduqlarını bildiyindən, hər dəfə danışanda əzizlərinə təskinlik ve rir. Sonuncu dəfə oktyabrın 3-ü evə zəng edir. Hətta həmin gün iki dəfə: səhər və axşam ailəsilə əlaqə saxlayır. Gündüz zən gində yalnız qardaşına döyüşə gedəcəyini bildirir. Səsindən hiss olunur ki, hər şey ola bilər... Sanki bu zəng döyüşə getməmişdən qabaq bir halallaşmaq idi...
27 Sentyabr 2020-ci il tarixində başlanan II Qarabağ müharibəsinin ştirakçısı olan, Füzuli-Cəbrayıl-Xocavənd istiqamətlərində gedən döyüşlərə qatılan qeyrətli, mübariz Vətən oğlu Emil Əliyev oktyabrın 6-da Füzuli rayonu uğrunda gedən döyüşlərdə qəhramanlıq göstərərək Şəhidlik Zirvəsinə uçalır.
Oktyabrın 7-si 2020-ci il tarixdə şəhidimizin nəşi vidalaşmaq üçün yaşadığı mənzilə gətirilir. Döyüşə gedərkən övladını yola sala bilməyən ana, oğlunun tabutunu qarşılayır...
Azərbaycanın Zəfər tarixinə, Azərbaycan millətinin qəlbinə adını əbədi olaraq yazdıran qorxmaz, cəsur, mərd Vətən oğlu Emil Əliyev oktyabrın 8-i 2020-ci ildə Sumqayıt Şəhidlər Xiyabanında dəfn edilir.
Emil heç vaxt şikayət etməzdi. Nə baş verərdisə, "xeyirliyədir” deyərdi. Elə doğru da deyirdi ki, bu dunyaya gələn hər bir insan bir gün də bu dünyanı tərk edəcək. Lakin hər bir şəxsə Şərəfli ölüm və görünməyən CƏNNƏT dünyasına qədəm qoymaq nəsib olmur. Saf, Pak, Döğru, Əqidəli, Məsləkli, Vicdanlı, Qeyrətli, Ləyaqətli, Vətənpərvər... – ƏSL insanlara məxsusdur o Məbədgah!
Şəhidlik yolunu uca tutan igidimiz Emil Əliyev, yaşadığı binada onunla qonşu olmuş, I Qarabağ döyüşlərində iştirak edərək Şəhidlik Zirvəsinə ucalmışTelman Yaqubovun və Mikayıl Qasımovun da qanını yerdə qoymadı. İndi bu ünvanda, eyni binada 3 şəhid lövhəsi yan-yana vurulub...
Azərbaycan Silahlı Qüvvələrinin 27 yaşlı gənc əsgəri, cəsur döyüşçü, Doğma diyarı yolunda bir an belə tərəddüd etmədən canından keçən Vətən eşqli atıcı-minaatan Emil Əziz oğlu Əliyev ölümündən sonra, Azərbaycan Respublikasının prezidenti İlham Əliyevin müvafiq Sərancamlarına əsasən, "Vətən uğrunda”və "Xocavəndin azad olunmasına görə” və"Füzulinin azad olunmasına görə” medalları ilə təltif olunub.
Ruhun şad olsun, Cənnətməkan Şəhidimiz!!!
------------------------------------
MƏMMƏDZADƏ İLKİN ƏZİZAĞA oğlu
(MAHHXHQ, Baş leytenant)
İLKİN ƏZİZAĞA oğluMƏMMƏDZADƏ 19 dekabr 1991-ci ildə Sumqayıt şəhərində dünyaya göz açıb. 1998-2009-cu illərdə Sum qayıt şəhər 42 saylı tam orta məktəbdə oxuyub. Məktəbi "Fərqlənmə” ilə biti rən yeniyetmə, sənədlrini Tibb universitetinə versə də, topladığı ballaa Azərbaycan Dövlət Aqrar Uni ver sitetinə qəbul olur.
Məktəb illərində təlim-tərbiyəsinə, nümunəvi davranış tərzinə, nizam-intizama riayət etməsinə, dərslərinə mütəmadi olaraq hazırlıqlı gəlməsinə, məktəbin ictimai həyatında aktivliyinə görə, hər zaman sayılıb-seçilən şagirdlərdən olub İlkin Məmmədzadə! Böyüklərə hörməti, əqidə saflığı, davranış qaydaları, danışığ üslubu ilə çoxlarına nümunə olaraq göstərilib. Hər zaman Vətənə olan böyük sevgisi ilə fərqlənib yaşıdlarından. Dərslərini əla qiymətlərlə oxumaqla yanaşı, zəif oxuyan, dərslərindən geri qalan sinif yoldaşlarına da yardımçı olub. Xoşxasiyyət, mehriban, sözünün, hərəkətinin yerini bilən yeniyetmə, sadəliyi, səmimiyyəti ilə onu tanıyan hər kəsin qəlbində iz qoyurdu.
Tələbə adını qazanan İlkin, tədris ilində ən yüksək göstəriciləri olan əlaçı tələbə olduğundan, dahi şair Nizami Gəncəvinin 870 illiyi münasibətilə təsis edilən "Nizami” təqaüdünə layiq görülür. Savad və bacarığına, qabiliyyətinə görə, pedaqoqların, tələbə yoldaşlarının diqqətini cəlb etməklə yanaşı, onların sevgisini və hörmətini qazanır. Tələbəlik dövründə universitetin Gənclər təş ki latının sədri kimi, müxtəlif tədbirlərə qatılır, ictimai-siyasi proseslərdə fəal iştirak edir. Teleməkanda populyar olan "Xəmsə” və "Breyn-Rinq” ya rışmalarının aktiv iştirakçısı olur. O, 2012-ci ilin may-iyun aylarında Ata türk Universitetində iştirak etdiyi tədris təcrübəsini də uğurla başa vurur.
İ.Məmmədzadə 2013-cü ildə təhsil aldığı universitetin "Baytarlıq təbabəti və zoomühəndislik” fakültəsini "Balıqçılıq və balıqçılıq təsərrüfatı işi” ixtisası üzrə Qırmızı diplomla bitirir. 2013-cü ilin fevral ayında o, Azərbaycan Dövlət Aqrar Universitetinin mağistratura pilləsinə öz ixtisası üzrə, qi yabi əsaslarla qəbul olur.
İ.Məmmədzadə 2013-cü ilin oktyabr ayında, Vətən qarşısında borcunu yerinə yetirmək üçün, Naxçıvan Muxtar Respublikasının Sədərək rayonunda ön xəttdə həqiqi hərbi xidmətə başlayır. 2014-cü ilin oktyabr ayında hərbi xidmətdən qayıtdıqdan sonra elmi fəaliyyətlə məşğul olmağa başlayır. İlk öncə magistraturada təhsilini da vam etdirir. Qiyabi oxuduğundan, paralel olaraq işləmək qərarına gəlir.
Ekoloğiya və Təbii Sərvətlər Na zir li yin də işə düzəlmək istəyən İlkin çox böyük həvəslə 30.10.2015-ci ildə Dövlət qulluğuna imtahan verir. 1-ci mərhələni 73 balla keçir, 2-ci mərhələdə isə, cəmi 1 balı çatmadığına görə, kəsilir. Hə yatda hər zaman nikbin olan İlkin, heç nəyə baxmayaraq, ümidsizliyə qapılmayaraq yoluna inamla davam edir.
M.İlkin 2015-2017-ci illərdə əmək fəaliyyəti ilə məşğul olur. Hər zaman savadı, bacarığı, yaradıcılq qabiliyyəti, yeni ideya və təklifləri ilə seçilən İlkin təhsil aldığı, işlədiyi dövrlərdə də boş-bekar dayanmır, elmi fəaliyyətlə, axtarışla məşğul olur. Bu müddətdə o, 2 elmi kitab yazır və öz və saiti hesabına dərc etdirir. Universitetinin kitabxanasına 20-30 ədəd kitab hədiyyə edir. "Azər baycanın şirin su bulaqları” (2015) və "Karp” (2017) kitablarından hal-hazırda Azərbaycan Dövlət Aqrar Universitetində tələbələr dərslik kimi istifadə edir, lazımi məlumatları anındaca əldə edirlər.
Hər zaman təhsildəki uğurlarıyla fərqlənən İlkin Məmmədzadə 2017-ci ildə Azərbaycan Dövlət Aqrar Universitetini magistr elmi-ixtisas dərəcəsi, "Fərqlənmə” diplomu ilə bitirir.
Həyat eşqli, yüksək insani keyfiyyətlərə malik olan İlkin Məmmədzadə cəmiyyətdə fəallığı ilə seçilib. Hər zaman öz üzərində çalışan gənc, dinclik, rahatlıq nə olduğunu bilməyib. Ən əsası isə, gördüyü hər bir işə öz sevgisini verib, məsuliyyətlə yanaşıb və bu işlərdən zövq almağı bacarıb. Sevimli ailəsinə, cəmiyyətə yararlı olmağa çalışan, qaynar həyat yaşayan gənc, daima hərəkətli, yenilikçi, axtarışda olmasıyla diqqət çəkib.
Bir müddət müxtəlif sahələrdə işləyən İlkinin həyatında 2016-cı ildə baş verən Aprel döyüşləri dərin iz qoydu. Azərbaycan Ordusunun əsgər və zabitlərinin yüksək döyüş əhval-ruhiyyəsi, əzm və mətinliyi, göstərdiyi şücaət, qazandığı uğurlar onun diqqətini özünə çəkdi. Elə həmin zaman gəncin qəlbində bir qığılcım yarandı və bu qığılcım İlkinin gələcək həyatı üçün bir dönüş nöqtəsi oldu.
AİLƏ:Məmmədovlar ailəsi 4 nəfərdən ibarət olub. Ata vaxtilə hərbçi olub, sonradan bir çox sahələrdə çalışıb. Fatma xanım da hərbçi olub və uzun müddət hərbi hissədə işləyib; 10 il Kadrlar şöbəsinin rəisi, Məxfi hissə operatoru. Evin kiçik oğlu, M.Aqşin Məmmədzadə Azərbaycan Turizm və Menecment Universitetinin məzunudur.
--------
...İlkinin anadangəlmə gözlərində vaba xəstəliyi olduğundan, o, eynək taxırdı. Çox vaxt yay aylarında gözləri qızarar, qa şı nardı. Lakin heç vaxt həkimdən göz xəstəliyilə bağlı sənəd almağa razılıq verməzdi...
Bir çox sahələrdə fitri istedadı olan İlkin gözəl şeirlər yazıb. Və bu şeirlər yazı üslubuna, axıcılığına, məzmununa görə hər kəsin diqqətini cəlb edib. Nə vaxtsa bu şeirləri toplayıb kitab halında çap etdirməyi də düşünüb. İlkinin natiqlik qabiliyyətinə hamı heyran olub. O, dilimizin zənginliyi və gözəlliyi ilə fəxr edib və özü də bu gözəlliyin qorunub saxlanmasına çalışıb. Ana dilinə ürəkdən bağlı olan, onu qoruyan gənc, mütaliə etməyi xoşlayıb. Təbiət vurğunu olan İlkin heyvanları da çox sevib, xüsusən də pişikləri. İlkin hər zaman deyərdi:"Canlı aləmi, heyvanları sevməyən insan, heç insanları da sevə bilməz”.Əslində onun sözlərində həqiqət vardı. Qardaşıyla ara la rında yaş fərqi az olsa da, İlkinin sirr yoldaşı anası idi. Ataya hörmət və ehtiram, qardaşa məhəbbət bəsləyən gəncin uşaqlıqdan sözü-söhbəti anası Fatma xanımla olub. İlkin hər zaman idealı saydığı hərbiçi valideynləri ilə fəxr edər, qürur duyar, həyatda onlara oxşamağa çalışardı.
...Bəli, qayda-qanunun, ciddi nizam-intizamın hökm sürdüyü hərbiçi ailəsində böyüyən bir oğul vətənpərvər olmaya bil məzdi. Bütün qabiliyyətlərinə, istedadına baxmayaraq, İlkin valideynlərinin şərəfli yolunu seçir. O, 17.02.2017-ci il Müdafiə Nazirliyinə mü raciət edir. Müraciəti müsbət qarşılanan gənc, Müdafiə Nazirliyinin "Təlim Tədris Mərkəzi”ndə "Moto atıcı taqım komandiri” ixtisası üzrə 3 aylıq kursu keçir. "Leytenant” hərbi rütbəsi alan gənc zabit Goranboy ra yo nunda yerləşən "N” saylı hərbi hissədə müddətsiz hərbi xidmətə başlayır. 2018-ci ildən isə Tərtər rayonunun "N” saylı hərbi his səsində xidmətini davam etdirir.
Zabit heyətinin və əsgərlərin dərin hormət və ehtiramını, sevgisini qazanan leytenant, burada da özünü, yüksək döyüş hazırlığına və hər tərəfli biliyə malik olan səviyyəli zabit kimi, göstərə bilir. 2018-ci ildə o, "Azərbaycan Ordusunun 100 illiyi (1918-2018)” Yubiley medalına layiq görülür. 2020-ci ildə isə ona "Baş leytenant” hərbi rütbəsi verilir. Xidməti dövründə dəfə lər lə komandanlıq tərəfindən "Fəxri Fərman”lar və "Təşəkkürnəmə”lərlə təltif edilir. Bir sözlə, İlkin Məmmədzadə hərbidə də xasiyyət və xarakterinə, savad və bacarığına görə, sayılıb-seçilənlərdən biri olur.
2020-ci il sentyabrın 21-də ölkədə Səfərbərlik elan olunduqdan sonra, İlkin Məmmədzadə xidmət ediyi hərbi hissədə, sentyabrın 21-dən sentyabrın 27-nə kimi, yeni gələn əsgərlərə - könüllülərə təlim keçir.
İ.MəmmədzadəVətən müharibəsinin ilk günündə – sentyabrın 27-də təlim keçdiyi əsgərlərlə birlikdə qızğın dö yüşlərə qatılır. Həmin zaman düşmən tərəfindən vurulan helikopterin ekipajını Ilkin öz əsgərləri ilə birgə xilas edir. 11 günlük döyüş yolunda neçə-neçə əsgər və zabitin həyatını qurtarır, hətta yanan tankın içindən belə, heyət üzvlərini qorxmadan, çəkinmədən, mərdlik və şücaət göstərərək xilas edir. Bu müddətdə döyüş meydanında düşmənin neçə-neçə canlı qüvvəsini məhv edir, texnikasını sıradan çıxardır. Mühüm döyüş tapşırığını yerinə yetirərkən, mühasirədə olan 21 nəfəri xilas edərək misilsiz igidlik göstərir, öz həyatını təhlükəyə atmaqdan belə çəkinməyərək...
Döyüş yoldaşları tərəfindən "Canavar”adlandırılan İlkinin son döyüşü oktyabrın 7-si Tərtər-Ağdərə isti qa mə tin də ki "Tülkü dərəsi” adlanan yerdə olur. Qızğın döyüşlər zamanı düşmən səngərini ələ keçirərkən yaralanan leytenant, aldığı zədəyə baxmayaraq, əlindəki silahından ayrılmır...
Azərbaycanın igid oğlu ən uca məqama – Şəhidlik Zirvəsinə yüksəlməklə, adını Şanlı Zəfər Tarixinin Qızıl səhifələrinə silinməz mürəkkəblə həkk etdi. Budur bizim namuslu, ləyaqətli, qeyrətli, yenilməz Vətən eşqli cəsur zabitimiz İLKİN MƏMMƏDZADƏ!
Azərbaycan Ordusunun gənc zabiti İlkin Məmmədzadə 8 oktyabr 2020-ci il tarixində Sumqayıt Şəhidlər Xiyabanında dəfn olunur.
İlkinin də tükənməyən arzuları olub. Yarımçıq qalan arzular... Hərbidən tər xis olunandan sonra, gələcəkdə müəllim işləyəcəyini, 30 yaşında evlənəcəyini... söyləyərdi. İlkin bu arzulara qovuşmasa da, Allahın ən böyük mükafatı olan ŞƏHİD adına layiq görüldü, CƏNNƏTin sakini oldu!
Azərbaycan Respublikasının prezidenti İlham Əliyevin müvafiq Sərəncamlarına əsasən, Azərbaycan Silahlı Qüvvələrinin cəsur zabiti, 28 yaşlı Baş leytenant İlkin Əzizağa oğlu Məmmədzadə ölümündən sonra, 3-cü dərəcəli "Rəşadət” ordeni,həmçinin "Vətən uğrunda”, "Cəsur döyüşçü” və"Suqovuşanın azad olunmasına görə” medalları ilə təltif olunub.
Ruhun şad olsun, Cənnətməkan Şəhidimiz!!!
TƏHMƏZOV RÖVŞƏN ZAHİD oğlu
(Əsgər)
RÖVŞƏN ZAHİD oğluTƏHMƏZOV15 may 1997-ci ildə Sumqayıt şəhərində anadan olub. 1993-cü ildə I Qarabağ müharibəsində şəhid olmuş əminin xatirəsini əziz tutaraq, ailə onun adını dünyaya gəlmiş körpəyə qoyur. Sonralar igidmiz bu adı daşımaqdan qürur duyur...
Rövşən Təhməzov 2003-cü ildə Sumqayıt şəhər 5 saylı tam orta məktəbin 1-ci sinfinə daxil olur. Hələ 3-cü sinifdə oxuyarkən, balacanın idmana olan marağını görən valideynlər, onu "Sərbəst güləş” idman növünə yazdırırlar.
AİLƏ:Zahid müəllimgil özləri 14 nəfərdən ibarət böyük külfət olublar: ata, ana, 6 bacı və 6 qardaş. Atası ailəni dolandırmaq üçün səhər işə gedər, axşam yorğun-arğın evə qayıdardı. Ayxanım xanım isə ailə qayğılarıyla yaşayar, övladlarının tərbiyəsi ilə məşğul olardı. Ailənin dolanışığı nə qədər çətin olsa da, süfrədə hər zaman halal zəhmətlə qazanılan nemət olardı. Ailənin hər bir üzvünün "xəmiri”, demək olar ki, Vətən sevgisi ilə yoğrulmuşdu. Evin ağsaqqalı övladlarını hər zaman vətənpərvər ruhda böyüdərək, onlara Torpağa məhəbbət hissini aşılamışdı...
Elə Vətən sevgisi də, Təhməzov qardaşlarının Qarabağ savaşında yaxından iştirakına səbəb olur. Belə ki, Zahid Təhməzov 1992-ci ildə I Qarabağ müharibəsində Ağdərə-Laçın isiqamətində mənfur qonşularımıza qarşı gedən mübarizədə iştirak edir və qızğın döyüşlər zamanı ayağından ağır zədə alır. Rövşənin, adını daşıdığı əmisi - Təhməzov Rövşən Suren oğlu isə 1993-cü ildə I Qarabağ müharibəsi zamanı Ağdərə istiqamətində gedən döyüşlərdə şəhid olur. Ata və əminin keçdiyi şərəfli döyüş yolu Zahid Təhməzovun ailəsində böyüyən 3 övladı üçün böyük bir məktəb idi.
Rövşən ailənin sonbeşiyi olub. Evin böyüyü Leyla, ortançıl övlad isə Elşən idi. Qardaşların arasında iki yaş fərq olub. Bacı-qardaşlar çox mehriban olmaqla yanaşı, bir-birilərinə hər zaman dəstək veriblər. Zahid bəy və Südabə xanım övladlarının namuslu, ləyaqətli, vətənpərvər ruhda böyümələri üçün əllərindən gələni etməyə çalışıblar və istəlklərinə də nail olublar.
Rövşənin atası Zahid Təhməzov həm də tanınmış idmançıdır. Belə ki, o, 1978-ci ildən 1990-cı ilə qədər "Sərbəst güləş” idman növü ilə məşğul olub. "Spartak” cə miy yə ti nin üzvü kimi, dəfələrlə yarışlarda iştirak edib. SSRİ idman ustası, Respublika və Beynəlxalq yarışların qalibi və mü kafatçısı olub. Atasının medallarına diqqətlə baxan və valideyni ilə fəxr edən Rövşən də, onun kimi məhşur idmançı olmaq, qalibiyyət qazanmaq, say sız-hesabsız medalların sahibi olmaq arzusu ilə yaşayıb. Əlçatan arzunun reallaşması üçün ata oğluna dəstək olur. Rövşənin elə ilk müəllimi də, demək olar, evdə atası olur.
Qələbə qazanaraq yüksək kürsülərin sahibi olmasını, sevimli Azərbaycan bayrağının dalğalanmasını göz özünə gətirən Rövşən böyük həvəslə məşqlərə başlayır. Sonradan qardaşı Elşən də onunla bərabər idmanla məşğul olur və qardaşlar bir çox uğur lara imza atırlar...
"Alüminum” İstehsalat Birliyinin "Neftçi” İdman Cəmiyyətinin üzvü olan Rövşən Təhməzov məşqçisi İlqar Ömərovun bütün tapşırıqlarını vaxtında, düzgün yerinə yetirməyə ça lışır. O, cəldliyi və çevikliyi ilə fərqlənir. Az zamanda bacarığı və gözəl xasiyyəti ilə məşqçisinin çox sevdiyi tə lə bə lər dən biri olur, yoldaşları arasında hörmət qazanır, dəfələrlə şəhər üzrə keçirilən yarışların birincisi olur, həmçinin zona çempionu adına layiq görülür. Rövşən Res pub lika yarışlarına qatılaraq, Fəxri Fərman, Diplom və müxtəlif hədiyyələrlə mükafatlandırılır. Gənc idmançı hər zaman uğurları ilə ailə sinin və müəllimlərinin başını uca edir.
Rövşən Təhməzov uşaqlıqdan kompüterə də xüsusi maraq göstərir. Kompüter proqramlarını dərindən öyrənməyə, sirrinə yiyələnməyə çalışır. Böyüdükdən Sonradan, bir mütəxəssis kimi, kompüter onun qazanc mənbəyinə çevrilir.
2012-ci ildə orta məktəbi 9 illik təhsillə bitirən Rövşən, 2012-2015-ci illərdə idmanla ciddi məşğul olur, bütün səy və ba carığını bu sahəyə yönəldir. 2015-ci ildə yarışların birində gənc idmançının qolu bərk əzilir və bundan sonra o, idmandan uzaqlaşmalı olur.
27.06.2015-ci ildə R.Təhməzova Sumqayıt Şəhər Hərbi Komissarlığından həqiqi hərbi xidməti keçmək üçün Naxçıvan Muxtar Respublikasına göndərilir. Elə Naxçıvanın özündə yerləşən "N” saylı hərbi hisədə Reaktiv artilleriyada "Baş rabitəçi” vəzifəsində xidmət edir.
Rövşən xidməti dövründə xoş xasiyyəti, bacarığı, aktivliyi ilə seçilir, komandanlığın və əsgər yolsaşlarının rəğ bə ti ni qazanır. Burada da gənc idmançı qabiliyyəti ilə seçilir. Belə ki, hərbiçilər arasında keçirilən yarışlarda o, dəfələrlə 1-ci yerin sahibi olur. Rəhbərlik tərəfindən verilən tapşırıqları vax tında və düzgün yerinə yetidiyinə, döyüş hazırlığına və təlimlərdə fərqləndiyinə, yüksək nizam-intizamına görə, "Təşəkkürnamə” alır.
Rövşən Təhməzov hərbi xidmətini başa vurduqdan sonra, 2017-2020-ci illərdə kompüter işləri ilə məşğul olur. İş yerində sonradan bütün administrativ işlərə və idarəçiliyə rəhbərlik edir. 21 sent yabr 2020-ci ilədək Rövşən sevdiyi sahədə çalışır.
Rövşənin qəlbi Vətən torpaqlarının tezliklə düşmən tapdağından təmizlənməsi və bu mübarizədə özünün də iştirak etməsi arzusu ilə çırpınırdı. Nəhayət, 2020-ci il sentyabrın 21-i səfərbərliklə ön cəbhəyə gedən lə rin arasında Rövşən Təhməzov da olur. Gənc əsgərlər əvvəlcə Qusar rayonunda yerləşən ”N” saylı hərbi hissəyə gedirlər. Rövşən boylu-buxunlu, cüssəli, idmançı bədəninə sahib olduğu üçün diqqəti cəlb edir və komandanlıq tərəfindən "Kəşfiyyat” bölüyünə seçilir. Rövşənin sevincnin həddi-hüdudu olmur.
Bir həftə ciddi təlimlər keçirilir. 27 sentyabr 2020-ci il tarixində II Qarabağ müharibəsinin başlandığı gün Rövşən Təhməzov Qusar ra yo nun dan Ağcabədiyə və daha sonra Füzuli rayonuna göndərilir. Gənc əsgər Füzuli uğrunda gedən ağır döyüşlər zamanı könüllü ola raq əməliyyatlara qatılır.
5 Oktyabr 2020-ci il. Həmin gün Seyidbəyli kəndi uğrunda döyüşə Vətənin 52 mərd, cəsur oğlu qatılır. Qızğın döyüşlərdə Azərbaycan Ordusunun 11 kəşfiyyatçısı şəhid olur, 19 nəfər yaralanır. Sağ qalanlar yaralıları döyüş meydanından uzaq laş dı rırlar...
6 Oktyabr 2020-ci il. Azərbaycan döyüşçüləri güc toplayaraq yenidən hücuma keçirlər. Mərd, mübariz, cəsur əsgər və zabitlər düşmənə qarşı rəşadətlə savaşırlar. Təəssüf ki, döyüş itkisiz ötüşmür. Şəhidlərimizin arasında şücaəti, fədəkarlığı ilə düşmənə qan udduran igid əsgər Rövşən Təhməzov da olur...
Azərbaycan Ordusunun cəsur əsgəri Rövşən Təhməzovun nəşi oktyabrın 8-də doğma şəhəri Sumqayıta gətirilərək Sumqayıt Şəhidlər Xiyabanında torpağa tapşırılır.
Rövşən Təhməzovun komandiri və əsgər yoldaşları ailəni ziyarət edərkən, gənc kəşfiyyatçının şücaətindən, keçdiyi şərəfli döyüş yolundan ağızdolusu danışırlar. Onları dinləyən Təhməzovlar Rövşənlə bir daha qürur duyub, fəxr etdilər. Gələcək plan və arzularının üstündən, Vətənin azadlığı və parlaq sabahı naminə xətt çəkən, ölümü ilə ölümsüzlüyə qovuşaraq, Qələbə şərbətini milyonlara içizdirən Rövşən Təhməzovla bütün el-oba, Azərbaycan xalqı qürur duyur! Bu gün qəhrəman oğulların sayəsində Qarabağımız azaddır, üçrəngli bayrağımız hər qarış torpağımızda vüqarla dalğalanır! Bir vaxtlar bu müqəddəs bayrağı yüksək idman kürsülərindən dalğalandıran Rövşən Təhməzov, bu gün də andına, əqidəsinə sadiq qaldı!
Bu gün Şəhidlər Xiyabanında Rövşənlə əmisinin məzarları eyni cərgədədir. Hər iki qəhrəman ayın 8-də dəfn olunublar. Əmi 08.04.1993-cü ildə, Rövşən 08.10.2020-ci ildə... Rövşən andına sadiq qalaraq əmisinin intiqamını düşməndən aldı, atasının yarımçıq qalan işini Zəfərlə tamamladı!
Azərbaycan Silahlı Qüvvələrinin 23 yaşlı qorxmaz, mətin kəşfiyyatçısı Rövşən Zahid oğlu Təhməzov ölümündən sonra, Azərbaycan Respublikasının prezidenti İlham Əliyevin müvafiq Sərəncamlarına əsasən, "Vətən uğrunda”və "Füzulinin azad olunmasına görə” medalları ilə təltif olunub.
Ruhun şad olsun, Cənnətməkan Şəhidimiz!!!
Aygün Hacıyeva,
AJB, AYB, AAB-nin üzvü
---------------
Xəbərdən istifadə edərkən istinad etmək vacibdir.
