Xəbər verdiyim kimi, Sumqayıt şəhərinin 10-cu mikrorayonunda yerləşən binaların birinin sakinləri redaksiyamıza şikayət məktubu ünvanlayıb. Sakinlər müraciətlərində qeyd edib ki, yaşadıqları bina 55-in həyətində yerləşən məclis evi sökülməlidir.
Bina sakinləri bildirir ki, xeyir-şər evinin binanın həyətində yerləşməsi səbəbindən uşaqlar yolda oynamaq məcburiyyətində qalıb. Valideynlər qorxduqları üçün uşaqlarını həyətə buraxmırlar.
Məsələ ilə bağlı Sumqayıt şəhər İcra Hakimiyyəti ilə əlaqə saxladıq. Qurumdan Xeberle.com-a bildirilib ki, sözügedən xeyir-şər evi sakinlərin istəyi ilə tikilib: "Məlumat üçün bildiriək ki, qeyd olunan xeyir-şər evləri sakinlərin istəyi ilə tikilib və əhalinin xidmətindədir”.
Mövzu ilə bağlı sosial şəbəkə hesabımızdada paylaşım etdik. Rəylərdə əksər insanlar xeyir-şər evinin sökülməsinin düzgün olmadığını qeyd edib.
Elşən Yəhyayev
Xəbərdən istifadə edərkən istinad etmək vacibdir.
