Sumqayıt sakini Sevinc Hüseynova Xeberle.com portalının elektron ünvanına şikayət məktubu yollayıb. Məktubda S. Hüseynova marşrut problemindən söz açır. Məktubu olduğu kimi diqqətinizə çatdırırıq:

"Salam, Xeberle.com portalı.

Yazib sizə bildiririk ki, biz Sumqayıtın Novxanı Bağları Massivinin sakinləri, 21 A bağlar marşrutu xəttindən çox narazıyıq. Çünki 2 saatdan bir işləyir. Birinci reys saat 8-də axrıncı isə 17.30-da bitir, vəssalam. Gediş haqqı kimi isə özbaşına şəkildə 0.40 manat alınır. Bura əvvəllər Bağ Massivi sayılırdı. İndi isə əhali çox artıb. Xeyli evlər tikilib. Səhər işə gedən axşam evə qayıdan, uşaqları bağçaya və məktəbə aparanlar olur. Marşrut xəttində dövr edən kiçik tutumlu avtobus çox balaca və dardır. Ən pisi isə budur ki, cəmi bir ədəddir. İnsanlar çox əziyyət çəkir. Əhalinin çoxu əsas yola - dəniz kənarına 1 kilometr piyada yol gedir ki, başqa marşrut avtobusuna minsinlər. Xahiş edirik ki, bizə kömək edərək problemimizi işıqlandırasınız. Ya bizə yeni marşrut xətti verilsin, ya bu xəttə bir neçə avtobus daxil edilsin, ya da 33 nömrəli marşrut xətti uzadılsın.”

Xeberle.com