Paytaxtda olduğu kimi Sumqayıtda da yaşayış binalarının bir addımlığında yerləşən yanacaqdoldurma məntəqələri təhlükə mənbəyi olaraq qalır. Bu obyektlərin sahibləri biznes maraqlarına görə sakinlərin həyatını təhlükə altına qoyur. Orada baş verə biləcək hər hansi bir hadisə, partlayış və ya yanğın birbaşa ətrafda olan yaşayış binalarına təsir edə bilər.

Yanğın təhlükəsi ilə yanaşı, Sumqayıtdakı bu obyektlərdən biri - bəlkə də ən böyüyü sözün birbaşa mənasında şəhər sakinlərinin yolunda böyük bir maneədir. Söhbət Heydər parkla 5-ci mikrorayonun arasında - düz yolun ortasında yerləşən "Azpetrol" yanacaqdoldurma məntəqəsindən gedir. Uzun illərdir ki, bu məntəqə yolu o baş bu başa keçmək istəyən piyadalar üçün böyük maneəyə çevrilib. Amma bu problemə əlac qılan tapılmır ki, tapılmır. Əslində, o yanacaqdoldurma məntəqəsinin orada tikilməsi şəhərsalma qaydalarına da tam zidd olub, çünki iki yolun arasında - şəhərin mərkəzində - insanların sıx gediş gəlişinin arasında bu obyektin mövcudluğu böyük bir səddir. Sakinlər də dəfələrlə bu barədə Xeberle.com portalına şikayət ediblər.

Ümidvarıq ki, yeni icra başçısı Zakir Fərəcov sakinlərin bu dərdinə əlac tapacaq.

Hətta bu məqsədlə Sumqayıt TV bir neçə ay öncə şəhər sakinləri arasında sorğu da keçirmişdi. Xeberle.com həmin sorğunu təqdim edir.