Xeberle.com xəbər verir ki, Sumqayıt şəhər Mədəniyyət və Turizm idarəsi Sumqayıt daxilində yerli və xarici turistlər üçün müxtəlif maraqlı məkanlar, gəzməli yerlər təklif edir. Səyahət turları zamanı siz Sumqayıtın görməli yerlərini ziyarət etmək və istirahətinizi faydalı keçirmək imkanlarına malik olacaqsınız.
İdarənin təklif etdiyi yerlər sırasına Sumqayıtın tarixi muzeyi, Heydər Əliyev Mərkəzi, Corat kəndi, Şəhidlər Xiyabanı, Göyərçin abidəsi, Rəsm Qalereyası, Nəsimi parkı, Sumqayıt Texnologiyalar Parkı, Bayraq meydanı və şəhər teatrı daxildir.
Şəhərdaxili tur səyahətlərinin qiyməti məktəblilər üçün 2 manat, böyüklər üçün 3 manat müəyyən olunub. Qeyd edək ki, şəhid ailələri üçün xidmət pulsuzdur. Sifarişlər fərdi və kollektiv şəkildə qəbul olunur. Artıq turlara qeydiyyat başlayıb.
Ünvan: Sumqayıt şəhəri, 3-cü məhəllə, N.Nərimanov küçəsi 12,
Telefonlar: Şəhər: (+99418) 655 49 87, (+99477) 481 07 09, (+99455) 7714441
E-mail: [email protected]
P.S. Xeberle.com adından bu yeni təklifi təqdirəlayiq hesab edirik! Amma siyahıya əlavə olaraq Alman qəbiristanlığı, alman əsirlərinin tikdiyi tarixi binalar, Cəfər Cabbarlı mədəniyyət evi, Mehdi Hüseyn adına Şəhər Stadionu, Azərikimya şirkətini, Sumqayıt Elektrik  Stansiyasını də təklif edirik. Üstəlik balıq ovunun təşkil edilməsi də pis olmaz.