"Qubadlı rayonunun əhalisində keçən ilin hesabat dövrü ilə müqayisədə 485 nəfər, yəni, 1,3 % artım olub. Əhalinin 18373 nəfəri və ya 49 %-i kişilər, 19027 nəfəri, yəni, 51 %-i qadınlardır. Əhalinin 6844 nəfəri və ya 18 %-i şəhər əhalisi, 30556 nəfəri, yəni 82 %-i isə kənd əhalisidir."
Bu sözləri Xeberle.com-a açıqlamasında Qubadlı Rayon Statistika İdarəsinin rəisi Cəlal Ağayev deyib.
C. Ağayev bildirib ki, bu ilin doqquz ayının statistikasına görə Qubadlı rayonu üzrə əhalinin sayı 37400 nəfər təşkil edir: "Rayon əhalisinin 13743 nəfəri və ya 37 %-i respublikanın 40 müxtəlif şəhər və rayonunda, 23657 nəfəri, yəni, 63 %-i Sumqayıt şəhərində məcburi köçkün kimi yaşayır".
Hicranə İsmayılova
Xeberle.com
Xəbərdən istifadə edərkən istinad etmək vacibdir.
