Xeberle.com "AQS dental center”in həkim-stomatoloqu Aydın Novruzovun
"Ağız xərçənginin əlamətləri" mövzusunda olan yazısını təqdim edir.
Üz, çənə nahiyyəsinin bəd xassəli
şişləri, üz, çənə və ağız nahiyyəsindəki dəyişikliklər tez gözə çarpdığından bu
nahiyyələrin xərçəng xəstəliyi digər orqanlara nisbətən daha erkən vaxtlarda
aşkarlanır.
Bu da öz növbəsində müalicə
effektivliyini artırır. Ağız xərçənglərinə səbəb olan faktorlar çoxdur, lakin
siqaret çəkmək və spirtli içkilər qəbul etmək bunda daha çox rol oynayır.
Bundan əlavə xroniki qıcıqlar (düzgün hazırlanmayan protezlər, qırılmış dişlərin
iti kənarları), pis gigiyenik qulluq, bəzi xroniki infeksiyalar da səbəb olan
faktorlardandır. Siqaret çəkən və spirtli içkilər qəbul edən insanlar digər
insanlara nisbətən xərçəngə yoluxma riskləri
4 dəfə artıqdır. Siqaretin istisi siqaret çəkənlərdə dodaq xərçəngi əmələ
gətirməsi barədə bir çox faktlar var.
Əgər ağız boşluğunda:
1. Ağ qırmızı ləkələr əmələ gəlibsə,
2. Tez qanayan və sağalmayan yaralar,
3. Xroniki boğaz ağrıları və səs dəyişkənliyi,
4. Ağızda normal olmayan dəyişiklik və
qalınlaşma,
5. Çeynəmə və udqunma da çətinlik.
Yuxarıda sadalanan hər hansı bir əlamət
sizdə varsa, mütləq stomatoloqa müraciət edin.
Xəbərdən istifadə edərkən istinad etmək vacibdir.
