Bu barədə Xeberle.com-a Rəvan Behbudlu bildirib. Onun sözlərinə görə, bir müddət əvvəl elektrik xətlərinin bağlanması üçün evlərin yaxınlığında dirəklər basdırılıb: "Sumqayıt şəhər Elektrik Şəbəkəsinin işçiləri naqillərin dirəklərə bağlanılacağını desələr də, heç bir iş icra etməyiblər. Nəticədə elektrik naqilləri sallanaraq dəmir darvazalara dəyir və təhlükəli vəziyyət yaradır.”

Sumqayıt Elektrik Şəbəkəsinin baş mühəndisi Arzuman İsmayılov isə Xeberle.com-a açıqlamasında məsələdən xəbərdar olduqlarını deyib:

"Yaşıldərə ərazisində elektrik xətlərində yenidənqurma işləri aparılıb. Amma orada yeni evlər tikilir (məsələn, elektrik dirəyindən 30 metr məsafədə), sayğac qoyulur və dirək bağlanaraq xətt çəkilir. Yaxud da qonşunun dəmir darvazasına taxta bağlanılır və bizə bildirilir ki, onun icazəsi alınıb. Yəni vəziyyəti bu dərəcəyə gətirən sakinlərin özləridir. Onlar bizə müraciət etdilər və həmin əraziyə dirəklər basdırdıq. Növbəti ayda isə xətlər çəkiləcək və problem aradan qaldırılacaq.”

Elnarə Salamova

Xeberle.com