Sumqayıtın bir qrup müəllimi şəhərin təhsil kollektivi adından Prezident İlham Əliyevə məktub yazıblar.
Xeberle.com həmin məktubları təqdim edir:
Hörmətli cənab Prezident.
Bu
gün dünya koronavirus pandemiyasının yaratdığı problemlər, böhranlar
ilə üz-üzə qalıb. COVID-19 pandemiyası ən inkişaf etmiş ölkələri belə
çətin və acınacaqlı vəziyyətə salıb. Bəşəriyyəti lərzəyə salan bu bəla
Azərbaycandan da yan keçmədi. Belə bir ağır, fövqəladə vəziyyətdə
verdiyiniz düzgün qərarlar, gördüyünüz qabaqlayıcı tədbirlər sayəsində
ölkəmizdə pandemiyanın təsirinin azaldılması və miqyasının
məhdudlaşdırılması istiqamətində mühüm addımlar atıldı. Dövlətimizin
bütün imkanları epidemiyanın qarşısının alınmasına və fəsadların aradan
qaldırılmasına yönəldildi. Görülən bütün bu tədbirlər xalqımızı
xəstəliyin acı nəticələrindən qorudu. Məktəblərdə təhsilin
dayandırılması, sərhədlərin vaxtında bağlanması, müasir tipli yeni
xəstəxananın istifadəyə verilməsi, lazımi tibbi avadanlıqların ölkəyə
gətirilməsi, aztəminatlı ailələrə sosial müavinət və yardımların
ayrılması, ən əsası isə mənəvi dəstəyiniz, "Biz birlikdə güclüyük!” kimi
müdrik çağırışınız bu vəziyyətdən ən az itki ilə çıxmağımızla
nəticələndi.
Cənab Prezident, görülən bütün bu işlər sübut etdi
ki, dövlət başçısı kimi Sizin üçün hər şeydən vacib xalqın sağlamlığının
qorunmasıdır.
Hörmətli cənab Prezident, xalqa sahib çıxdığınız
üçün Sizə dərin təşəkkürümü bildirirəm. Bu ölkənin vətəndaşları da Sizin
müdrik və uzaqgörən siyasətinizi həmişə dəstəkləyir və daim
arxanızdadırlar. Var olun!
Hörmətlə,
Rəşidova Esmira Xankişi qızı, İ.Qayıbov adına 1 № tam orta məktəbin Azərbaycan dili və ədəbiyyatı müəllimi.
Azərbaycan Respublikası, Sumqayıt şəhəri.
xxx
Möhtərəm
cənab Prezident!
Ulu öndər Heydər Əliyevin xalqımızın
imzasını imzalar içinə atmasından sonra bu imzanın seçilməsini,hörmətlə
yanaşılmasını təmin edən Ali Baş Komandan!
Sizə təşəkkür dolu bu məktubu Xəzərin mavi
sularının qoynuna aldığı,70 yaşlı qocaman və eyni zamanda gənc,gözəl
bulvarın,parkların,təmirli küçə və prospektlərin,binaların məkanı,zəhmətkeş,mehriban
insanların evi və nəhayət, Sizin daimi diqqət və qayğınızla əhatə olunan
Sumqayıt şəhərinin təhsil ailəsi yazır.
Cənab
Prezident!
Dünyanı bürüyən COVİD-19 pandemiyası çox təəssüf
ki,sərhədləri aşaraq Vətənimizə də gəlib
çatdı.Kütləvi informasiya vasitələrindən izlədiyimiz bu xəstəlik artıq
qapımızdadır. Lakin sizin çevik,uzaqgörən qərarlarınız,önləyici tədbirləriniz
insanları yaxıb – yıxan bu epidemiyanın ölkəmizdə böyük itkilər vermədən
qarşısının alınmasında əvəzedilməz rol oynadı.
Bir sumqayıtlı kimi belə gərgin məqamda
Sumqayıt Kimya Sənaye Parkında "Bakı Tekstil Fabriki” MMC tərəfindən yaradılan
tibbi maska istehsalı müəssisəsinin,Sumqayıt şəhərinə çəkilən magistral qaz kəmərinin
açılışında şəxsən iştirak etməniz bizə qürur verdi.
Zati – aliləri!
Sizə təşəkkürümüz sonsuzdur.Təşəkkür
edirik! Təşəkkür edirik ki, aztəminatlı,pandemiya dövründə işlərin
dayandırılması ilə əlaqədar sosial çətinliklə üzbəüz qalmaq təhlükəsi yaşayan
insanlara ödənişlər,maddi yardımların
edilməsinə, 65 yaşdan yuxarı bir qrup məhkumun əfvinə, tədris prosesinin
dayandırılmasına baxmayaraq, bizim kimi minlərlə müəllimin əmək haqlarının
vaxtında ödənilməsinə, sahibkarlara öz işçilərini ixtisar etməməsinə, məktəb
binalarının, xəstəxanaların tikintisinin davam etdirilməsinə göstəriş və sərəncam verdiniz, Koronavirusla Mübarizəyə Dəstək
Fondunu təsis edib,”lider nümunə olar” ideyasını bir daha təsdiq edərək bir
illik əmək haqqınızı bu fonda ianə etdiniz, ən nəhayət, yorğunluq bilmədən hər
bir vətəndaşın yanında oldunuz.
Cənab Prezident!
Əmin olun ki,fikir və ideyalarınızı dəstəkləyəcək,göstəriş
və tapşırıqlarınızı qeyd-şərtsiz yerinə
yetirəcək,müsəlləh bir əsgər kimi hər zaman sizin yanınızda olacağıq və əsla
unutmayacağıq ki,biz birlikdə güclüyük.
Allah sizə yar olsun!
Böyük hörmət və ehtiramla,
Sumqayıt
şəhər sakini,müəllim
Pərvanə
Sədul qızı Ramazanova.
Xəbərdən istifadə edərkən istinad etmək vacibdir.
