Bu barədə R. Yusubov Xeberle.com-a ünvanladığı şikayət məktubunda bildirib. O, vurğulayıb ki, 3 ay bundan öncə pensiyası gözlənilmədən kəsilib. 58 yaşlı şəhər sakini etiraz əlaməti olaraq yaşadığı mənzildə aclıq aksiyası da keçirib: "Artıq 3 aydır ki, əlillik pensiyam kəsilib. Etiraz olaraq aclıq aksiyasına da başladım. Məndən aksiyanı dayandırmağımı xahiş etdilər və pensiyamın bərpa olunacağını dedilər. Amma hələ də bərpa olunmayıb. Bütün aidiyyatı orqanlara müraciət etmişəm. Üç aydır məni düzələcək deyib yola salırlar".

Əmək və Əhalinin Sosial Müdafiəsi Nazirliyindən Xeberle.com-a verilən açıqlamada bildirilib ki, vətəndaşın problemi artıq həllini tapıb və sentyabr ayının sonunadək 3 aylıq müavinəti tam olaraq ödəniləcək: "Artıq əlilin özünə də məlumat verilib. Pensiyanın bu aylar ərzində verilməməsinə səbəb isə, vətəndaşın əllilliyini təsdiq edən sənədlərin nazirliyə tam olaraq göndərilməməsi olub. Vətəndaşın qalıq qalan aylar üzrə müavinəti tam ödəniləcək".

Xədicə Səxavətqızı