Müasir əmək bazarının ən ciddi problemlərindən biri işəgötürənlərin təcrübəli işçilər arzulaması, iş
axataranların isə, hətta müvafiq sahə üzrə ali təhsilə malik olsalar belə, təcrübi biliklərə sahib olmamasıdır.
Tələbə 4 il təhsil alır, nəzəriyyəni yaxşıca əzbərləyir, ancaq iş mühitinə düşdükdə sanki tanımadığı
ormana daxil olur... və azır.
Bəs nə etməli? Necə etməli ki, gənc təhsil aldığı sahə üzrə həm də praktik bilikləri vaxtında əldə etsin?
Rza Mirzəzadə 3 ildən artıqdır ki,
könüllülük fəaliyyəti ilə məşğuldur.
"Özümü inkişaf etdirdim, dünya görüşüm artdı, ünsiyyət bacarıqlarımı təkmilləşdirdim. Hal –hazırda gənclərin könüllü fəaliyyət göstərə biləcəyi bir çox dövlət qrumları, Qeyri Hökümət Təşkilatları vardır ki, məndə bu qrumların bəzilərində Könüllü fəaliyyətlə məşğul olmuşam. İlk
Könüllü fəaliyyətim Sumqayıt regional "ASAN xidmət” mərkəzindən başladı. -önüllü fəaliyyətim bitdikdən sonra Sumqayıt
regional "ASAN xidmət” mərkəzi ürə nümayəndəsi olaraq könüllü fəaliyyətimi davam
etdirdim.
2 fevral Gənclər günü münasibətilə Sumqayıt şəhəri İcra Hakimiyyəti tərəfindən "İlin Gənc Könüllüsü”
mükafatına layiq görüldüm. Qazandığım təcrübələr və könüllü fəaliyyətin həyatımda dönüş nöqtəsi oldu.
Son zamanlar ölkə üzrə pandemiya şəraitinin elan edilməsi nəticəsində Azərbaycan Könüllü Təşkilatları İttifaqı
yarandı ki, məndə artıq neçə müddətdir ki, həmin qurumun Sumqayıt
regionu üzrə Koordinatoru kimi fəaliyyət göstərirəm. Eyni zamanda "TƏBİB”in Sumqayıt regionu
üzrə Könüllü Koordinator kimi Pandemiya xəstəxanasında komanda
yoldaşlarımızla birlikdə fəaliyyət göstəririk. Maddi məsələlərdə isə valideynlərim daim dəstək olur."
Hazırda Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar
üzrə Dövlət Agentliyi, Sumqayıt regional "ASAN
xidmət” mərkəzində Vətəndaşların qəbulu işinin təşkili sektorunun baş məsləhətçi (Könüllülər üzrə məsul şəxs -təlimçi ) kimi çalışan Nərmin Cahangirova da təcrübə toplamaq üçün yolunu
könüllülük fəaliyyətindən salıb.
Bir neçə il müxtəlif təşkilatlarda könüllü
olaraq çalışmış Cahangirova deyir ki, aparılmış müşahidələr göstərir ki, təhsilini başa vurmuş gənclər iş üçün müraciət edərkən əksər hallarda işə götürənlər təcrübəli və ya hər hansı sahədə təcrübə keçmiş namizədlərə üstünlük verirlər:
"Bu baxımdan könüllülük fəaliyyəti heç bir təcrübəsi olmayan yeniyetmə və gənclər üçün əla fürsətdir. Könüllülük
özünüinkişaf, dünyagörüşünün artırılması, şəbəkənin genişləndirilməsi baxımından vacib bir
fəaliyyətdir. Təbii ki, təhsil hər şeydən öndə gəlir və ilk olaraq təhsil barədə fikirləşməliyik. Lakin tək təhsil ilə biz 4 illik bakalavr təhsilimizi başa
vurduqdan sonra iş axtarmağa başlayanda artıq rəqiblərimizin, həmyaşıdlarımızın bizdən daha təcrübəli olduğunu müşahidə edirik. Könüllülük cəmiyyətə, insanlara faydalı
olmaqla yanaşı həm də bir növ desək özünə mənəvi sərmayədir. Biz könüllü
olduğumuz müddətdə müşahidə edir, öyrənir, səhvlər edir və ümumilikdə nəticə çıxardaraq bir "MƏN” formalaşdırmış
oluruq. Özümüz özümüzə bələd olur, öz bacarıq və qabiliyyəttimizi bilir, özünəinam hissi
formalaşdırır, nəyə qadir olduğumuzu əminliklə söyləyə bilirik”.
Nüfuzlu universitetdə təhsil iş tapmaq
imkanlarını bir qədər artırır, ancaq bu, yeganə həlledici faktor deyil.
Komandada işləmək, ünsiyyət qurma qabiliyyəti, bir çox fərdi keyfiyyətlər müasir iş dünyasının
başlıca tələbləridir.
Azərbaycan Televiziya və Radio Verilişləri QSC-nin Teleradio
Akademiyasının rektoru Faiq Hüsiyev da bu fikirdədir.
Faiq Hüsiyev bildirir ki, rəhbərlik etdiyi Teleradio
Akademiyası gənclərə praktik biliklər qazandırır:
"Gənclər redaksiyalara təhkim olunur. 1 ay iş
prosesində iştirak etdikdən sonra ən yaxşıları seçib, əməkdaşlığa cəlb edirik”.
Təhsil üzrə ekspert Coşqun Kərimov isə deyir ki, gənclər istər praktikaya yiyələnmək, istərsə də iş tapmaq üçün öncə uğurlu çevrə qazanmalıdır.
Bəs haralarda təcrübə əldə etmək olar?
Vüsal Məmmədov
Xəbərdən istifadə edərkən istinad etmək vacibdir.
