Sumqayıt Çörək Zavodunun mütəxəssisləri Şuşa şəhərinə ezam olunublar.
Xeberle.com -un məlumatına görə, zavodun mütəxəsisləri İqtisadiyyat Nazirliyinin tövsiyəsi və tapşırığı ilə Şuşa şəhərində çörək istehsal edən ilk müəssisənin fəaliyyətini yenidən qurublar. Mütəxəssislər müəssisədə müasir standartlara cavab verən avadanlıqlar quraşdırıb istehsal mexanizmi ilə bağlı sistemli iş aparıblar. Sumqayıt çörəkçilərinin əməyi nəticəsində 20 gün müddətində gündəlik 5000 çörək istehsal etmək gücünə malik sex ötən gündən fəaliyyətə başlayıb.
Bildirilir ki, artıq orada xidmət çəkən hərbçilərimizə isti çörək çatdırılacaq.
Qeyd edək ki, Sumqayıt Çörək Zavodu 70 ildir fəaliyyət göstərir və şəhəri çörəklə təmin edir.
Xəbərdən istifadə edərkən istinad etmək vacibdir.
