Övladına görə adının çəkilməsini istəməyən valideyn orta məktəbdə problemlə üzləşib.
Sumqayıt şəhər sakini olan şəxs Xeberle.com-a yazdığı məktubda bildirir ki, övladı 11 saylı məktəbin 1-ci sinfinə bu il qəbul olub. Valideyn iddia edir ki, təhsil müəssisəsində onlardan Tatyana Əhmədovanın sinfinin valideyn komitəsi tərəfindən 30 manat pul yığılması tələb olunub.
Müəyyən edilmiş məbləğin sentyabr ayının 15- nə qədər toplanması tapşırılıb. Hətta müəyyən olunan miqdarın köçürülməsi üçün debet kart şəkli də onlara göndərilib. Valideyn bu məsələ ilə bağlı narahatdır və hansı quruma müraciət etməli olduğunu bilmək istəyir.
Abşeron-Xızı Regional təhsil idarəsindən Xeberle.com-a bildirilib ki, bu olayla əlaqədar onlara valideynlər tərəfindən heç bir məlumat gəlməyib. Valideyn Abşeron-Xızı Regional təhsil idarəsinə yazılı müraciət etməlidir. Bu halda şikayət araşdırılacaq.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
