Sumqayıt sakini Nərminə Xamıyeva şəhər polis idarəsinə ərizə ilə müraciət edərək, evindən qızıl-zinət əşyalarının oğurlanması barədə polisə şikayət edib.

Zərərçəkən ərizəsində bildirib ki, evdə olmadığı müddət ərzində naməlum şəxs və ya şəxslər onun mənzilinə daxil olaraq 2230 manat miqdarında qızıl-zinət əşyalarını və 1100 manat nəğd pulunu oğurlayıblar. 18 yaşlı Teymur Şiraslan oğlu Həmzəyevi polislər evinə gələrək həbs ediblər.

Teymur Həmzəyev əldə etdiyi qızılları dəyər-dəyməzinə satsa da, oğurluq mallar müsadirə olunub. Faktla bağlı Sumqayıt Şəhər Polis İdarəsinin istintaq şöbəsində cinayət məcəlləsinin oğurluq maddəsi ilə cinayət işi başlanıb. Hazırda saxlanılan şəxsin digər cinayətlərdə əlinin olub-olmaması araşdırılır. (apa.az)