![Sumqayıtın 6-cı mikrorayonunda əl qumbarası tapıldı - VİDEO (FOTO) Sumqayıtın 6-cı mikrorayonunda əl qumbarası tapıldı - VİDEO (FOTO)](/uploads/posts/2024-05/medium/1716102131_6649a0f2d8b616649a0f2d8b6217161013626649a0f2d8b5e6649a0f2d8b60.jpg)
Fövqəladə Hallar Nazirliyinin "112” qaynar telefon xəttinə Sumqayıt şəhərinin 6-cı mikrorayon ərazisində sursat aşkar edilməsi barədə məlumat daxil olub.
FHN-dən Xeberle.com-a bildirilib ki, məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatın döyüş tətbiqinə yararlı 1 ədəd F-1 əl qumbarası olduğu müəyyən edilib.
Sursat XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.
Xəbərdən istifadə edərkən istinad etmək vacibdir.