Xəbər verdiyimiz kimi Bakı-Sumqayıtda ağır yol-nəqliyyat hadisəsi baş verib.
Bakı-Sumqayıt yolunda iki avtobusun iştirakı ilə baş verən yol-nəqliyyat hadisəsi ilə bağlı Baş DYP İdarəsindən Xeberle.com-a cavab olaraq bildirilib ki, avqustun 2-si saat 11 radələrində Bakı-Sumqayıt avtomobil yolunun 29-cu kilometrliyində Hüseynov Nazim Kazım oğlunun Bakı-Sumqayıt ekspres marşurut xətti üzrə idarə etdiyi "NEOPLAN” markalı, 99-JH-667 dövlət qeydiyyat nişanlı avtobus qarşıda gedən Yunusov Adil Şəmil oğlunun idarə etdiyi, 42 nömrəli marşurut xətti üzrə hərəkətdə olan "İSUZU” markalı, 50-DO-539 dövlət qeydiyyat nişanlı avtobusla toqquşub. Toqquşmadan sonra "İSUZU” markalı avtobus yoldan çıxaraq aşıb və nəticədə 1 nəfər sərnişin hadisə yerində həyatını itirib. Ölən sərnişinin 17 yaşlı qız olduğu bildirilir. Əraziyə yol polis əməkdaşları cəlb edilib, faktla bağlı araşdırma aparılır.
Elşən Yəhyayev
12:00
Sumqayı-Quba yolunda ağır yol-nəqliyyat hadisəsi baş verib, iki sərnişin avtobusu toqquşub.
Xeberle.com məlumat verir ki, hadisə Bakı-Quba yolunun 29-cu kilometrliyində qeydə alınıb.
Hadisə zamanı 10 nəfərdən çox yaralının olduğu bildirilir.
Xəbərdən istifadə edərkən istinad etmək vacibdir.
