Sumqayit şəhəri, Corat bağlarında yerləşən elektrik xətlərində qısaqapanma səbəbindən partlayış olub.
Ərazidə yaşayan qəsəbə sakini Rəşad Ağaməmmədov Xeberle.com-a bildirib ki, yaşadığı Şaban Babaoğlu küçəsində elektirik xətlərində partlayış artıq 4-cü dəfədir baş verir. Bu səbəbdən ərazidə elektrik enerjisinin verilişi saatlarla dayanır.
Sakinlər dəfələrlə haqlı şikayət etsələr də, yaranmış problem kökündən həll olunmur. Hər dəfə yanan elektrik xətlərinə əlavə xətt calaq olunaraq kortəbii şəkildə məftil ilə bağlanılır. Nəticədə bir ay ərzində eyni yerdə, eyni partlayış 4-cü dəfə baş verir.
Ümid edirik ki, tezliklə aidiyyəti qurumlar tərəfindən məsələnin köklü həlli üçün tapşırıq veriləcək.
Elşən Yəhyayev
Xəbərdən istifadə edərkən istinad etmək vacibdir.
