Bakı şəhərində yol qəzası baş verib.   Xeberle.com-un Daxili İşlər Nazirliyinin saytına istinadən verdiyi məlumata görə, avqustun 28-də saat 10 radələrində Binəqədi rayonunun Novxanı qəsəbəsində Bakı şəhər sakini Azad Məmmədovun idarə etdiyi "Mercedes” və Sumqayıt şəhər sakini Tural Mustafayevin idarə etdiyi "VAZ-21099” markalı avtomobillər toqquşub. Nəticədə T. Mustafayev və onun sərnişini Əmralı Mirzəyev xəsarət alaraq Sumqayıt şəhər xəstəxanasına yerləşdiriliblər. T. Mustafayev orada ölüb.   Binəqədi Rayon Polis İdarəsi tərəfindən araşdırma aparılır.