Bu gün səhər silahlı şəxs İmam Xomeyinin (r.ə) hərəminə girərək odlu silahdan atəş açıb. Hücum zamanı ölən və yaralananlarla bağlı məlumatlar yayılmağa başlayıb.
İlkin məlumatlara əsasən, silahlı basqın zamanı 1 nəfərin öldüyü, daha 5 nəfərin isə yaralandığı bildirilir. 
İranın Təhlükəsizlik qüvvələri Tehranda İmam Xomeyni mavzoleyinə hücum edən ikinci şəxsi də zərərsizləşdirilib. 
Xeberle.com RİA Novosti-yə istinadən xəbər verir ki, bu barədə mavzoleyin mətbuat xidməti məlumat yayıb. 
Daha öncə İran paytaxtının cənubunda yerləşən İmam Xomeyni mavzoleyində atışma zamanı bir nəfərin öldüyü, beş nəfərin yaralandığına dair məlumat yayılmışdı. Bundan başqa, mavzoleyə hücum edənlərdən biri əyninə geyindiyi partlayıcılı  jileti partladıb.  İki nəfər saxlanılıb. 
Mətbuat xidmətində dəqiqləşdiriblər ki, hücum edənlərdən biri ona atəş açıldıqdan sonra özünü partladıb.  

Xəbərdən istifadə edərkən istinad etmək vacibdir.