Sumqayıtda lambirdən hazırlanan köşkü yandırdılar.

 Xeberle.com-un məlumatına görə, hadisə dünən gecə saatlarında, şəhərin 1-ci mikrorayonu, N.Nərimanov küçəsi, bina 45 /19-un arxa hissəsində lambirdən hazırlanan köşkdə qeydə alınıb. Sakinlərin sözlərinə görə artıq üçüncü dəfədir ki, bu ərazidə yanğın hadisəsi törədilir. Onlar dünən gecə iki nəfəri həmin ərazidə gördüklərini bildiriblər. Sakinlər iddia edirlər ki, bina və ətrafında baş verən yanğın hadisələri kimlərsə tərəfindən qəsdən törədilir. Xatırladaq ki, bu, sözügedən binada ilk belə hadisə deyil. Bu ilin yanvar ayında binada 30 sayğac, yaxın günlərdə isə 9 sayğac yandırılıb. Faktla bağlı araşdırmalar aparılır.