Sumqayıt şəhər 12-ci mikrorayon, ev 43, mənzil 30 ərazisində yanğın hadisəsi baş verib.

 Xeberle.com-un məlumatına görə yanğın nəticəsində evdəki məişət, elektrik avadanlıqları və 5 kvadrat metr ərazi yanıb. Yanğın 3-cü mərtəbədə baş verib və tüstü yuxarıya da qalxdığı üçün 3, 4 və 5-ci mərtəbələrdə yaşayan 15 nəfər sakin təxliyyə olunub. Yanğınsöndürənlərin müdaxiləsi nəticəsində yanğın söndürülüb və bununla da digər ərazilərə keçməsinin qarşısı alınıb. Qeyd edək ki, yanğın baş verən zaman evdə heç kim olmayıb və nəticədə xəsarət alan yoxdur.

Xatırladaq ki, ardıcıl bir neçə gündə Sumqayıtın müxtəlif yerlərində yanğın hadisələri baş verir.