Ötən gün
günorta saatlarından Sumqayıt şəhərini tüstü bürüyüb.
Xeberle.com şəhəri ağuşuna alan tüstünün mənbəyini
araşdırıb. Məlum olub ki, ötən gün günorta saatlarında şəhərin Xəzər bağları
yaşayış massivinin aşağı hissəsində dənizkənarının yaxınlığında 10
hektara yaxın qamışlıq ərazidə yanğın başlayıb. Ərazi bataqlıq olduğundan yanğınsöndürən maşınlar yanğını tam ram edə bilməyiblər. Qamışın kök hissəsinin
tüstüləməsi ətraf mühitə mənfi təsir göstərib.
Ərazidə xırda yanğın ocaqları var və yanğn
ocağının bataqlıq ərazidə olması
yanğınsöndürənlərin işini çətinləşdirib.
Ərazi torpaqlanandan sonra yanğınsöndürən avtomobillər həmin əraziyə daxil ola bilər.
Xəbərdən istifadə edərkən istinad etmək vacibdir.
