Sumqayıt şəhər Polis idarəsinin Cinayət- axtarış şöbəsinin əməkdaşları tərəfindən 4-cü mikrorayon  ərazisində keçirilmiş əməliyyat tədbirləri nəticəsində özünü şübhəli aparan Ayaz Muradov saxlanılıb. 

“Xeberle.com”  “dunyatv.az” saytına istinadən xəbər verir ki, saxlanılan şəxsin  üzərinə baxış keçirilib və əynində olan qara rəngli paltonun sağ qolunun altından boz rəngli sallafon torbaya bükülü , bir ədəd lüləsi və qundağı kəsilmiş ov tüfəngi və 3 ədəd “Zuber” patronu  aşkar edilərək götürülüb. 

Aparılmış araşdırma zamanı məlum olub ki, saxlanılan Ayaz Muradov keçmiş hərbiçidir və 1994-cu ildə odlu silahla adam yaralama və soyğunçuluq maddələri ilə 8 il məhkumluq həyatı yaşayıb. Ayaz Muradov indi isə zavod üsulu ilə Rusiya istehsalı olan 16 mm kalibri, lüləsi və qundağı kəsilmiş “Zuber” modelli ov tüfəngini istintaqa məlum olmayan mənbədən əldə etdiyini, guya Novxanı bağları yaxınlığından tapdığını bildirib. Həmçinin o silaha bir hobbi kimi baxdığını qeyd edib. 

Faktla bağlı cinayət işi açılıb, araşdırmalar aparılır.