"Evlərə
basqın və digər zorakılıq hərəkətləri əvvəlcədən hazırlanmış siyahı və xüsusi
plan əsasında əslən erməni olan Sumqayıt şəhər sakini, dəfələrlə məhkum olunmuş
Eduard Qriqoryanın bilavasitə rəhbərliyi və göstərişləri üzrə həyata
keçirilmiş, hücumlara məruz qalan ermənilər isə Dağlıq Qarabağın Azərbaycandan
ayrılması məqsədini güdən gizli "Krunk” və "Karabakh” komitələrinə
ianə verməkdən imtina edən şəxslər olmuşlar."
Xeberle.com xəbər verir ki, Xarici İşlər Nazirliyinin və Baş Prokurorluğun birgə yaydığı bəyanatda
bildirilir ki, 1988-ci ilin fevralında Sumqayıtda etnik zəmində törədilən
iğtişaş həmin dövrdə bu sıradan olan məqsədyönlü təxribatların kulminasiyası
idi.
Bəyanatda həmin
dövrdə Sumqayıtda yaşayan erməni əhalisinin sayına da toxunulub: "Bakının
30 kilometrliyində yerləşən, on beşdən artıq müxtəlif millətin yaşadığı
Sumqayıt şəhərinin əhalisi 1988-ci ildə 258.000 nəfər təşkil edirdi və bunun təqribən18.000-ni etnik ermənilər idi. 1988-ci ilin fevralına qədər Sumqayıtda etnik zəmində
hər hansı qarşıdurma olmamış və bu gün də Sumqayıt digər Azərbaycan şəhərləri
kimi çoxmillətli və çoxkonfessiyalı xüsusiyyətini saxlamaqdadır”.
Xəbərdən istifadə edərkən istinad etmək vacibdir.
