Topaz Premyer Liqasında 2017/2018 mövsümünün arxada qalan 19 turu ərzində "Sumqayıt" komandasının 8 ev oyununu ümumilikdə 10 min 578 tamaşaçı tribunadan izləyib.
Qol.az-ın məlumatına görə, bu haqda klubun saytı məlumat yayıb. Gənclik şəhəri təmsilçisi bu görüşlərdə 5 qələbə, 2 heç-heçə və 1 məğlubiyyətlə ayrılıb. Ümumilikdə isə Samir Abasovun baş məşqçi olduğu kollektiv 9 qələbə, 4 heç-heçə və 6 məğlubiyyətə imza ataraq 31 xal toplayıb və 4-cü pillədə qərarlaşıb.
"Sumqayıt" klubu bütün azarkeşlərə komandanı tək buraxmadıqları üçün təşəkkür edir və martın 14-də "Kəpəz"lə keçirəcəkləri XX tur matçına onları dəvət edir. Görüş saat 20:00-da başlanacaq.
"Kapital Bank Arena"da keçirilmiş 8 oyun üçün azarkeş sayı aşağıdakı kimidir:
1. "Sumqayıt” FK – "Kəpəz” - 2:1 (1326 azarkeş)
2. "Sumqayıt” FK – "Neftçi” - 1:0 (1500 azarkeş)
3. "Sumqayıt” FK – "Qəbələ” 0:1 (1300 azarkeş)
4. "Sumqayıt” FK – "Zirə” - 2:1 (1300 azarkeş)
5. "Sumqayıt” FK – "Keşlə” - 3:1 (1200 azarkeş)
6. "Sumqayıt” FK – "Səbail” - 0:0 (1326 azarkeş)
7. "Sumqayıt" FK – "Neftçi" - 2:0 (1300 azarkeş)
8. "Sumqayıt" FK – "Qarabağ" - 1:0 (1326 azarkeş)
Qeyd edək ki, "Sumqayıt"ın əksər oyunlarında tribuna tam dolduğundan, azarkeşlər oyunları hasar arxasından ayaq üstə izləyirlər.
Xəbərdən istifadə edərkən istinad etmək vacibdir.
