Daxili İşlər nazirliyi Sumqayıt şəhərində ölümlə nəticələnən ağır yol qəzası barədə məlumat yayıb. ANS PRESS-in nazirliyin mətbuat xidmətinə istinadən verdiyi məlumata görə, Saray qəsəbə sakini Məmmədəli Əliyevin idarə etdiyi “VAZ-2107“ və Sumqayıt şəhər sakini Pərviz Salamovun idarə etdiyi “ZiL” markalı avtomobillər toqquşub.
M.Əliyev idarəetməni itirdiyindən avtomobili yolun kənarındakı beton səddə çırpıb.
M.Əliyevin sərnişinlərindən, Saray qəsəbə sakini Faiq Muxtarov hadisə yerində ölüb, özü və digər sərnişini, Saray qəsəbə sakini Rüfət Novruzov xəstəxanaya yerləşdirilib.
Faktla bağlı cinayət işi başlanıb, araşdırma aparılır.
Xəbərdən istifadə edərkən istinad etmək vacibdir.
